అందమైన మొహాన్ని పాడుచేసిన శానిటైజర్
శానిటైజర్కు మండే గుణం ఎక్కువ.. అంచేత ఆ ద్రావణంతో కాసింత జాగ్రత్తగా మెలగాలి..లేకపోతే కేట్వైడ్లా పరిస్థితి అవుతుంది..
శానిటైజర్కు మండే గుణం ఎక్కువ.. అంచేత ఆ ద్రావణంతో కాసింత జాగ్రత్తగా మెలగాలి..లేకపోతే కేట్వైడ్లా పరిస్థితి అవుతుంది.. ఎవరీ కేట్వైడ్ అంటారా? అమెరికాలోని టెక్సాస్ నగరంలో ఉంటుంది.. మొన్న ఆదివారం ఎప్పటిలాగే తన చేతులకు శానిటైజర్ రాసుకుంది.. రాసుకున్నాక క్యాండిల్ వెలిగించడం కోసం అగ్గిపుల్ల గీసింది.. అదే ఆమె చేసిన తప్పిదం.. చేతికి మంటలు అంటుకున్నాయి.. ఒక్కసారిగా చేతికి మంటలు అంటుకోవడంతో భీతిల్లిన ఆమె వెనక్కి మళ్లింది.. అలా ఆమె రెండో తప్పు చేసింది. ఎందుకంటే వెనకాలే శానిటైజర్ బాటిల్ ఉంది.. అది కాస్త భగ్గున మండింది.. మండటమే కాదు బాంబులా పేలింది.. దాంతో మంటలు పెద్ద ఎత్తున ఎగిసిపడ్డాయి.. ఆ మంటలకు ఆమె ముఖం, చేతులు, కాళ్లు కాలాయి.. ఆ టైమ్లో ఇంట్లో కేట్వైడ్ కూతుళ్లు ఉన్నారు కాబట్టి సరిపోయింది. వారు వెంటనే స్థానికుల సాయంతో తల్లిని హాస్పిటల్లో చేర్చారు.. ప్రస్తుతం ఆమె కోలుకుంటోంది.. ఈ సంఘటన మనకు నేర్పిస్తున్న పాఠమేమిటంటే శానిటైజర్ చేతులకు పూసుకున్న తర్వాత నిప్పుకు దూరంగా ఉండమని!