ఖేల్​రత్న అందుకోవాల్సిన వినేశ్ ఫొగాట్‌కు క‌రోనా పాజిటివ్

భారత విమెన్ స్టార్ రెజ్లర్ వినేశ్ ఫొగాట్​కు కరోనా పాజిటివ్​గా నిర్ధార‌ణ అయ్యింది. ఖేల్​రత్నకు ఎంపికైన ఈమె.. వైరస్ సోకిన కారణంగా అవార్డుల ప్రదానోత్సవానికి దూరంగా ఉండ‌నుంది. స్వస్థలం సోన్​పేట్​లో కోచ్ ఓం ప్రకాశ్ ఆధ్వర్యంలో టోక్యో ఒలింపిక్స్​ కోసం వినేశ్ ట్రైనింగ్‌ తీసుకుంటోంది. ఈ సమయంలో కరోనా పాజిటివ్‌గా నిర్దార‌ణ అయ్యింది. త్వరలో కోలుకుంటానని, ప్రస్తుతం ఇంట్లోనే ఐసోలేషన్​లో ఉన్న‌ట్లు వినేశ్ ఫోగాట్ తెలిపింది. గతంలో ఈమె ఆసియా క్రీడలు, కామన్వెల్త్​ గేమ్స్​లో గోల్డ్ మెడ‌ల్స్‌ గెలుచుకుంది.

క్రీడా దినోత్సవం (ఆగస్టు 29) సందర్భంగా పురస్కారం అందుకోవాల్సిన‌ తెలుగు బ్యాడ్మింటన్‌ స్టార్‌ సాత్విక్‌ సాయిరాజ్‌ (అర్జున) కూడా క‌రోనా సోక‌డంతో అవార్డుల ప్ర‌దానోత్స‌వానికి దూరంగా ఉండ‌నున్నాడు.

Also Read :

ఏపీఐసీడీఏ ఏర్పాటు, ఛైర్మన్​గా సీఎం జగన్

తమ్ముని పేరుతో అన్న ప్ర‌భుత్వ ఉద్యోగం, ఏకంగా 12 ఏళ్లు

నేడు, రేపు ఏపీలో మోస్తరు వర్షాలు