కన్నడ అని రాస్తే జాబ్ రిజెక్ట్! బెంగళూరు IT కంపెనీల తీరుపై దుమారం

×

కన్నడ అని రాస్తే జాబ్ రిజెక్ట్! బెంగళూరు IT కంపెనీల తీరుపై దుమారం

బెంగళూరు ఐటీ కంపెనీలపై తీవ్రమైన ఆరోపణలు వెల్లువెత్తుతున్నాయి. కన్నడిగులకు ఉద్యోగాలు ఇవ్వడం లేదని, తమ రెజ్యూమ్‌లలో కన్నడ భాష గురించి ప్రస్తావించినందుకు వారి దరఖాస్తులను తిరస్కరిస్తున్నారని ఫిర్యాదులు వస్తున్నాయి. ఈ అంశంపై సోషల్ మీడియాలో పలు వీడియోలు వైరల్‌గా మారాయి. ఇటీవల ఒక మహిళ తన రెజ్యూమ్‌లో భాషా విభాగంలో “కన్నడ” అని రాసినందుకు తన దరఖాస్తును తిరస్కరించారని పోస్ట్ చేసిన వీడియో పెద్ద దుమారానికి దారి తీసింది. ఈ పరిణామంపై కర్ణాటక ప్రభుత్వం సీరియస్ అయింది. ముఖ్యమంత్రి డీకే శివకుమార్ ఈ విషయంపై తీవ్రంగా స్పందించారు. ప్రపంచం బెంగళూరును టెక్ క్యాపిటల్‌గా గుర్తిస్తోందని, కన్నడిగుల ప్రతిభపై తమకు పూర్తి నమ్మకం ఉందని ఆయన పేర్కొన్నారు. ప్రైవేట్ కంపెనీలు కావాలని ఉద్దేశపూర్వకంగా స్థానికులను నిర్లక్ష్యం చేస్తే చర్యలు తీసుకుంటామని ఆయన హెచ్చరించారు. కర్ణాటకలో కన్నడ సార్వభౌమత్వానికి, కన్నడిగుల హక్కులకు, గౌరవానికి భంగం కలిగితే సహించబోమని డీకే శివకుమార్ స్పష్టం చేశారు. ఈ బలమైన హెచ్చరికల తర్వాత ఐటీ కంపెనీల స్పందన ఎలా ఉంటుందో వేచి చూడాలి.

Phani CH