సోషల్ మీడియాలో వైరల్ అవుతోన్న.. విక్టరీ పెళ్లి ఫోటో..

విక్టరీ వెంకటేష్ గురించి ప్రత్యేకంగా చెప్పాల్సిన అవసరం లేదు. ఆయనకంటూ ఓ సపరేట్ స్టైల్ మెయిన్‌టైన్ చేస్తూ ఉంటారు. అయితే ఈయన ఫ్యామిలీ సంబంధించిన అన్ని విషయాలనూ ఎప్పుడూ గోప్యంగా ఉంచుతారు. దగ్గుబాటి ఫ్యామిలీ వేడుకలు, ఫంక్షన్స్‌లో తప్పించి..

TV9 Telugu Digital Desk | Edited By: |
Updated on: Jun 03, 2020 | 4:17 PM

విక్టరీ వెంకటేష్ గురించి ప్రత్యేకంగా చెప్పాల్సిన అవసరం లేదు. ఆయనకంటూ ఓ సపరేట్ స్టైల్ మెయిన్‌టైన్ చేస్తూ ఉంటారు. అయితే ఈయన ఫ్యామిలీ సంబంధించిన అన్ని విషయాలనూ ఎప్పుడూ గోప్యంగా ఉంచుతారు. దగ్గుబాటి ఫ్యామిలీ వేడుకలు, ఫంక్షన్స్‌లో తప్పించి.. బయట ఎక్కడా కనిపించరు. ఇతర సెలబ్రిటీస్ అప్పుడప్పుడు ఫిల్మ్ ఫంక్షన్స్‌లోనైనా తమ ఫ్యామిలీని తీసుకొస్తూంటారు. కానీ వెంకటేష్ మాత్రం సింగిల్‌గానే వస్తూంటారు. వెంకీ పిల్లలు కూడా బయట ఎక్కువగా కనిపించరు. ప్రైవేట్ లైఫ్ అంటేనే వాళ్లకు ఇష్టం కూడా. అయితే ప్రస్తుతం లాక్‌డౌన్ కారణంగా సోషల్ మీడియాలో పాత ఫొటోలను తిరగతోడి మరీ వాటిని వైరల్ చేస్తున్నారు అభిమానులు. ఇలా ఈ క్రమంలోనే విక్టరీ వెంకటేష్ పెళ్లి ఫొటో ఒకటి బయటపడింది. దీంతో ఇప్పడు మళ్లీ ఈ ఫొటో వైరల్ అవుతోంది. 1985లో చదువు పూర్తైన తర్వాత నీరజను వెంకటేష్ వివాహమాడారు. కాగా ప్రస్తుతం వెంకటేష్ ‘నారప్ప’ సినిమాలో నటిస్తున్నారు. అయితే లాక్‌డౌన్ కారణంగా ఈ సినిమా షూటింగ్‌కి బ్రేక్ పడింది.