టెక్సాస్‌లో కరోనా కేసుల నయా రికార్డ్..

Texas Coronavirus cases: కోవిద్-19 విలయతాండవం చేస్తోంది. ప్రపంచ దేశాలను వణికిస్తోంది. యుఎస్ లోని టెక్సాస్ రాష్ట్రంలో కరోనా పాజిటివ్ కేసులు భారీగా నమోదవుతున్నాయి. గడచిన 24 గంటల్లో ఏకంగా 6000 కొత్త కేసులు నమోదైనట్టు టెక్సాస్ ఆరోగ్య, మానవ సేవల విభాగం వెల్లడించింది. ఒకేరోజు ఇన్ని కేసులు నమోదు కావడం ఈ వారంలో ఇది మూడోసారని అధికారులు పేర్కొన్నారు.

తాజాగా.. టెక్సాస్‌లో మొత్తం పాజిటివ్ కేసుల సంఖ్య 1,31,917కి చేరుకుంది. ఇప్పటి వరకు ఇక్కడ 74,496 మంది కోలుకోగా… 2,296 మంది ప్రాణాలు కోల్పోయారు. కొవిడ్-19 మహమ్మారి తీవ్ర రూపం దాల్చిన నేపథ్యంలో రాష్ట్రంలో తాత్కాలికంగా అన్ని ఆర్థిక కార్యకలాపాలను నిలిపివేస్తున్నట్టు గవర్నర్ జార్జ్ అబ్బాట్ పేర్కొన్నారు.

Also Read: జూలై 21 నుంచి అమర్‌నాథ్‌ యాత్ర.. 15 రోజులకు కుదింపు..