జయా బచ్చన్ వ్యాఖ్యలు సరైనవే, శివసేన నేత సంజయ్ రౌత్

డ్రగ్స్ కు, బాలీవుడ్ కు లింక్ ఉందని బీజేపీ ఎంపీ రవి కిషన్ వ్యాఖ్యానించడం, దానికి సమాజ్ వాదీ పార్టీ ఎంపీ జయబచ్ఛన్ స్ట్రాంగ్ గా కౌంటర్ ఇఛ్చిన నేపథ్యంలో శివసేన నేత సంజయ్ రౌత్ ఆమెకు అండగా నిలిచారు. బాలీవుడ్ లో అందరికీ డ్రగ్స్ తో లింక్ ఉందనడం సరికాదని ఆయన అన్నారు.  జయా బచ్చన్ కూడా   ఇదే మాట అన్నారని,  ప్రభుత్వం బాలీవుడ్ కి అండగా నిలబడాలని ఆమె కోరారని ఆయన పేర్కొన్నారు. ఇందులో ఆమెను విమర్శించడానికి ఏముందని ఆయన ప్రశ్నించారు. ఇండస్ట్రీ సుమారు 5 లక్షల మందికి మనుగడనిస్తోంది. అనేకమంది ప్రత్యక్షంగానో, పరోక్షంగానో దీనిపై ఆధారపడి జీవిస్తున్నారు. అలాంటిది ఈ పరిశ్రమను అప్రదిష్ట పాల్జేసేలా కొంతమంది చేసిన వ్యాఖ్యలు ఆమెకు నచ్ఛలేదని సంజయ్ వ్యాఖ్యానించారు.

అయితే కంగనా రనౌత్ తన ట్వీట్లలో జయాబచ్ఛన్ పై తీవ్రంగా విరుచుకుపడిన సంగతి విదితమే.. బహుశా ఆ నేపథ్యంలోనే ఆమెను పరోక్షంగా విమర్శించేందుకు సంజయ్ రౌత్.. జయా బచ్ఛన్ వ్యాఖ్యలను సమర్థించినట్టు కనబడుతోంది.