Red Movie New Song: యూత్ని ఆకట్టుకుంటోన్న ‘నువ్వే.. నువ్వే’ వీడియో సాంగ్… బాగా వర్కవుట్ అయిన కెమిస్ట్రీ..
Nuvve Nuvve Song Out From Red: ఈస్మార్ట్ శంకర్తో గతేడాది అదిరిపోయే హిట్ను సొంతం చేసుకున్నాడు యంగ్ హీరో రామ్. ఇక ఈ సినిమా తర్వాత..
Nuvve Nuvve Song Out From Red: ఈస్మార్ట్ శంకర్తో గతేడాది అదిరిపోయే హిట్ను సొంతం చేసుకున్నాడు యంగ్ హీరో రామ్. ఇక ఈ సినిమా తర్వాత కొంత గ్యాప్ తీసుకున్న రామ్ తాజాగా ‘రెడ్’ అనే సినిమాలో నటిస్తోన్న విషయం తెలిసిందే. తిరుమల కిశోర్ దర్శకత్వం వహించిన ఈ సినిమాపై మంచి అంచనాలే ఉన్నాయి. ఇప్పటికే విడుదలైన చిత్ర టీజర్, ఫస్ట్ లుక్ పోస్టర్లు చిత్రంపై అంచనాలను పెంచేశాయి. సంక్రాంతి కానుకగా జనవరి 14న ఈ సినిమాను విడుదల చేయనున్నారు. ఈ నేపథ్యంలోనే చిత్ర యూనిట్ సినిమాలోని ‘నువ్వే నువ్వే’ వీడియో సాంగ్ను విడుదల చేసింది. నిజానికి ఇంతకు ముందే ఈ పాటకు సంబంధించిన లిరికల్ వీడియోను విడుదల చేశారు. శ్రోతలను ఎంతగానో ఆకట్టుకుంటోన్న ఈ పాట.. వీడియో ఇప్పుడు హల్చల్ చేస్తోంది. ముఖ్యంగా హీరోయిన్ అమృతా అయ్యర్, రామ్ల మధ్య కెమస్ట్రీ ఆకట్టుకుంటోంది. ఫారిన్ లోకేషన్స్లో తెరకెక్కించిన ఈ పాట చాలా రిచ్గా కనిపిస్తోంది. రామ్ స్టెప్పులు పాటకు ప్రత్యేక ఆకర్షణగా చెప్పవచ్చు. శ్రీ స్రవంతి మూవీస్ పతాకంపై స్రవంతి రవికిశోర్ నిర్మించిన ఈ సినిమాలో రామ్ సరసన నివేద పేతురాజ్, మాళవికా శర్మ, అమృతా అయ్యర్ హీరోయిన్లుగా నటించారు. ఈ సినిమా ‘తడమ్’ అనే సినిమాకు రీమేక్గా తెరకెక్కుతోందని గతంలో వార్తలు వచ్చిన విషయం తెలిసిందే. అయితే ఈ వార్తలపై దర్శకుడు తిరుమల కిశోర్ స్పందిస్తూ.. ‘రెడ్’ చిత్రమ్ తడమ్కు రీమేక్ కాదని, కేవలం స్టోరీలైన్ ఆధారంగానే సినిమాను తెరకెక్కిస్తున్నామని క్లారిటీ ఇచ్చిన విషయం తెలిసిందే.