RBI MPC Meeting: లోన్‌ ఈఎంఐ భారం పెరిగిందా? తగ్గిందా? ఆర్బీఐ సంచలన నిర్ణయం..!

RBI MPC Meeting: మీరు ప్రతి నెలా గృహ రుణాలు, వాహన రుణాలు లేదా మరే ఇతర రుణాలపై అయినా ఈఎంఐలు చెల్లిస్తున్నట్లయితే ఈ వార్త మీకు ఉపయోగపడుతుంది. మధ్యప్రాచ్యంలో నెలకొన్న ప్రపంచ ఉద్రిక్తతల నేపథ్యంలో, రిజర్వ్ బ్యాంక్ సామాన్యులకు పెద్ద ఊరటనిచ్చింది. కేంద్ర బ్యాంక్ వరుసగా ఐదవసారి రెపో రేటును 5.25 శాతంగానే ఉంచింది. ఈ నిర్ణయం లక్షలాది మంది వినియోగదారులకు ఉపశమనం కలిగిస్తుందని భావిస్తున్నారు. 2027 ఆర్థిక సంవత్సరానికి సంబంధించిన మూడవ ద్వైమాసిక ద్రవ్య విధాన సమీక్ష అనంతరం తన ప్రసంగంలో రిజర్వ్ బ్యాంక్ గవర్నర్ సంజయ్ మల్హోత్రా, రెపో రేటు 5.25 శాతంగానే కొనసాగుతుందని తెలిపారు.

రిజర్వ్ బ్యాంక్ ఆఫ్ ఇండియా కీలక పాలసీ రేటులో ఎలాంటి మార్పు చేయనందున, గృహ రుణాలు, వాహన రుణాల వాయిదాలు యథాతథంగా ఉంటాయి. అంటే, మీరు మునుపటిలాగే వాయిదాలు చెల్లించాల్సి ఉంటుంది. ఈ ఎంపీసీ సమావేశంలో ద్రవ్యోల్బణాన్ని అదుపులో ఉంచడం, ఆర్థిక వృద్ధిని కొనసాగించడంపై ఆర్‌బీఐ దృష్టి సారించింది. రిజర్వ్ బ్యాంక్ ద్రవ్య విధాన కమిటీ ప్రకటనకు ముందు ప్రారంభ ట్రేడింగ్ సెషన్‌లో దేశీయ స్టాక్ మార్కెట్లు లాభాలతో ప్రారంభమయ్యాయి.

రెపో రేటు (Repo Rate)

వాణిజ్య బ్యాంకులు ఆర్బీఐ నుంచి రుణాలు తీసుకుంటాయి. అలా వాణిజ్య బ్యాంకులు తీసుకునే రుణానికి ఆర్బీఐ వసూలు చేసే రేటును రెపో రేటు అంటారు. ఈ రేటు తగ్గితే బ్యాంకులకు తక్కువకు నిధులు లభిస్తాయి. దీంతో బ్యాంకులు ప్రజలకు ఇచ్చే రుణాలపై వడ్డీ రేటును కూడా తగ్గించే అవకాశం ఉంటుంది. రెపో రేటును ఆర్బీఐ పెంచితే.. ఆ మేరకు బ్యాంకులు వినియోగదారులకు ఇచ్చే రుణాలు ఖరీదుగా మారుతాయి.

రివర్స్ రెపో రేటు (Reverse Repo Rate)

వాణిజ్య బ్యాంకులు తమ వద్ద ఉండే అదనపు నిధులను RBI వద్ద డిపాజిట్ చేస్తే.. ఆ మొత్తానికి RBI చెల్లించే వడ్డీ రేటును రివర్స్ రెపో రేటు అంటారు. అయితే ఇది సాధారణంగా రెపో రేటు కంటే తక్కువగా ఉంటుంది. మార్కెట్‌లో అనిశ్చితి ఉన్నప్పుడు బ్యాంకులు రిస్క్ తీసుకోకుండా RBI వద్ద డబ్బు ఉంచి స్థిరమైన వడ్డీ ఆదాయం పొందుతాయి.

RBI Governor Sanjay Malhotra says, “The headline inflation has edged up above target, as expected. The rise in inflation is due to fuel and food prices.” pic.twitter.com/KzvvfhI66u

— ANI (@ANI) August 5, 2026

ఇది కూడా చదవండి: Banking News: బ్యాంకులో ఇలాంటిది మీకెప్పుడైనా జరిగిందా? ఇప్పుడు టెన్షన్‌ పడాల్సిన అవసరమే లేదు!

ఇది కూడా చదవండి: ATM బ్లాక్ అయిందా? కంగారు పడకండి.. బ్యాంకుకు వెళ్లకుండానే యాక్టివేట్ చేసుకోండిలా..!

మరిన్ని బిజినెస్ వార్తల కోసం ఇక్కడ క్లిక్ చేయండి