Melania Trump మెలనియా స్కూలు విజిట్.. కేజ్రీ ఔట్‌పై యుఎస్ వివరణ

ట్రంప్ భార్య మెలనియా తన భారత పర్యటన సందర్భంగా ఢిల్లీలోని ఓ ప్రభుత్వ స్కూల్లో 'హ్యాపీనెస్ క్లాస్' కార్యక్రమానికి హాజరైనప్పడు దానికి ఢిల్లీ సీఎం అరవింద్ కేజ్రీవాల్,

Melania Trump మెలనియా స్కూలు విజిట్.. కేజ్రీ ఔట్‌పై  యుఎస్ వివరణ
Umakanth Rao

| Edited By: Pardhasaradhi Peri

Feb 24, 2020 | 1:34 PM

Melania Trump: ట్రంప్ భార్య మెలనియా తన భారత పర్యటన సందర్భంగా ఢిల్లీలోని ఓ ప్రభుత్వ స్కూల్లో ‘హ్యాపీనెస్ క్లాస్’ కార్యక్రమానికి హాజరైనప్పడు దానికి ఢిల్లీ సీఎం అరవింద్ కేజ్రీవాల్, డిప్యూటీ సీఎం మనీష్ శిశోడియాలను ఆహ్వానించకుండా వారి పేర్లను డ్రాప్ చేయడంపై అమెరికా క్లారిటీ ఇచ్చింది. ఈ ఈవెంట్‌ను రాజకీయం చేయకూడదని భావించే ఈ నిర్ణయం తీసుకున్నట్టు అమెరికా రాయబార కార్యాలయ అధికార ప్రతినిధి ఒకరు స్పష్టం చేశారు. నిజానికి ఈ ఇద్దరు నేతలూ హాజరైనా తమకు అభ్యంతరం లేదని,  కానీ ఇది రాజకీయ కార్యక్రమం కాదని ఆయన పేర్కొన్నారు. ఇది కేవలం విద్య, స్కూలు, విద్యార్థులకు సంబంధించిన అంశమని అన్నారు. అటు-మనీష్ శిశోడియా ఆ తరువాత ఓ ప్రకటన చేస్తూ.. ఈ విషయంలో అగ్రరాజ్యం వెలిబుచ్చిన ఆందోళనను తాము అర్థం చేసుకున్నామని అన్నారు. ఆ దేశ అభిప్రాయాలను మేం గౌరవిస్తున్నాం అని శిశోడియా పేర్కొన్నారు. స్కూలు విద్యార్థుల్లో స్ట్రెస్ ను తగ్గించడానికి ఈయన రెండేళ్ల క్రితమే ప్రత్యేకమైన కరిక్యులమ్‌ను ప్రవేశపెట్టారు. ఈ సబ్జెక్టు కింద సుమారు 40 నిముషాల పాటు విద్యార్థులు యోగా, మెడిటేషన్, రిలాక్సేషన్ వంటి అంశాల్లో పాల్గొంటారు. తద్వారా వారిలో విద్యా సంబంధమైన ప్రెషర్ (ఒత్తిడి) తగ్గుతుందని అప్పట్లోనే ప్రభుత్వం భావించింది.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu