విజయవాడలో వెలిసిన ‘కేసీఆర్ రిటర్న్ గిఫ్ట్ ఫ్లెక్సీ’..!

టీడీపీ అధ్యక్షుడు, మాజీ సీఎం చంద్రబాబుకు ఖచ్చితంగా రిటర్న్ గిఫ్ట్ ఇస్తానని తెలంగాణ అసెంబ్లీ ఎన్నికల ఫలితాల అనంతరం స్వయంగా సీఎం కేసీఆర్ వ్యాఖ్యలు చేసిన సంగతి తెలిసిందే. కాగా.. వైఎస్ జగన్ ప్రమాణస్వీకారం సందర్భంగా విజయవాడలోని ‘రిటర్న్ గిఫ్ట్‌’ అంటూ ఓ ఫ్లెక్సీ వెలిసింది. గవర్నర్ నరసింహన్‌, తెలంగాణ సీఎం కేసీఆర్‌, డీఎంకే అధినేత స్టాలిన్‌ బస చేసిన గేట్‌వే హోటల్‌కు పక్కన ఈ ఫ్లెక్సీ ప్రత్యక్షం అవడం ఇప్పుడు వివాదంగా మారింది. కేసీఆర్‌.. జగన్‌కు పుష్పగుచ్ఛం ఇస్తున్నట్టుగా ఉన్న ఈ ఫొటోతో వెలిసిన ఫ్లెక్సీపై థ్యాంక్స్ కేసీఆర్ గారు.. ఫర్‌ ద రిటర్న్ గిఫ్ట్ అని రాసి ఉంది. చిరంజీవి అనే స్థానిక వైసీపీ నేత దీన్ని ఏర్పాటు చేసినట్టు సమాచారం.