రియల్ పులితో ఎన్టీఆర్ ఫైట్.. వీడియో వైరల్!

డైరెక్టర్ రాజమౌళి తీస్తోన్న ‘ఆర్ఆర్ఆర్’ సినిమా ప్రస్తుతం హాట్ టాపిక్‌గా నడుస్తోంది. ఈ చిత్రానికి సంబంధించి ఎన్ని జాగ్రత్తలు తీసుకున్నా.. ప్రతీ అప్‌డేట్స్ ఈజీగా లీక్ అయిపోతున్నాయి. ఇంతకు ముందు వైజాగ్‌లో షూటింగ్‌లో ఎన్టీఆర్ లుక్స్, అలాగే ఓ ఫైట్ సీన్, ఓ సాంగ్‌ లీక్ అయ్యాయి. లీక్‌ చేసిన వారిపై చిత్ర బృందం కేసు కూడా పెట్టిందనుకోండి. అది వేరే విషయం కానీ.. ఇప్పుడు ఆర్ఆర్ఆర్ నుంచి మరో సీన్ లీక్‌ అయ్యింది.

అదే.. అడవిలోని రియల్ పులితో, ఎన్టీఆర్ (కొమరం భీమ్) ఫైట్ సీన్. కొమరం భీమ్ అడవిలో వెళ్తుండగా.. అతనిపై ఓ పులి దాడి చేస్తుంది. ఈ భీకర పోరాటాన్ని ఇటీవలే ఎంతో ప్రయాస పడి చిత్రీకరించారు. ఇప్పుడు ఆ వీడియో కాస్త లీకవడం వల్ల చిత్ర యూనిట్ అప్రమత్తమైంది. ఆన్‌లైన్ నుంచి ఆ విజువల్‌ని తొలగించింది. అయితే నెటిజన్లు మాత్రం.. అందులో ఎన్టీఆర్ లుక్ సూపర్ అంటూ కామెంట్స్ చేస్తున్నారు. కాగా.. ఈ సినిమాలో రాంచరణ్ సీతారామరాజు పాత్రలో నటిస్తుండగా, ఆలియా బట్, ఒలీవియా మెరిస్ హీరోయిన్లుగా చేస్తున్నారు. కాగా ఈ చిత్రాన్ని ఈ ఏడాది జులైలో విడుదల చేయనుంది చిత్ర బృందం.