JPN vs IND: టాస్ గెలిచిన భారత్.. ఒక్కో జట్టుకు 5 ఓవర్లే.. ఎందుకంటే..?

Japan vs India, One-off T20I: వర్షం కారణంగా ఓవర్ల సంఖ్య తగ్గించబడటంతో, భారత్-జపాన్ మధ్య జరిగే స్నేహపూర్వక మ్యాచ్ ఇరు జట్లకు 5 ఓవర్ల చొప్పున నిర్వహించనున్నారు. మైదానాన్ని మూడోసారి పరిశీలించిన తర్వాత, మధ్యాహ్నం 12 గంటలకు టాస్ వేయాలని అంపైర్లు నిర్ణయించారు. వాస్తవానికి ఈ మ్యాచ్ ఉదయం 9:30 గంటలకు ప్రారంభం కావాల్సి ఉంది. అయితే, మైదానం తడిగా ఉండటం వల్ల టాస్ ఆలస్యమైంది. టాస్ గెలిచిన భారత జట్టు ముందుగా బ్యాటింగ్ ఎంచుకుంది.

జపాన్‌లోని సానో అంతర్జాతీయ క్రికెట్ మైదానంలో పురుషుల క్రికెట్‌లో ఈ రెండు జట్లు తొలిసారిగా తలపడనున్నాయి. ఇరు దేశాల మధ్య దౌత్య సంబంధాలు ఏర్పడి 75 ఏళ్లు పూర్తయిన సందర్భంగా ఈ మ్యాచ్‌ను నిర్వహిస్తున్నారు.

జపాన్‌లో క్రికెట్ 163 సంవత్సరాల క్రితం ప్రారంభమైంది. అది బ్రిటిష్ వ్యాపారులకు, రాయల్ నేవీకి మధ్య జరిగిన మ్యాచ్. ఆ సమయంలో విదేశీయులపై దాడుల ముప్పు ఉండటంతో, ఆటగాళ్లు రివాల్వర్లు పట్టుకుని మైదానంలోకి దిగారు.