కాలిఫ్లవర్‌లో దాగి ఉండే పురుగులను పోషకాలు పోకుండా ఎలా తొలగించాలి..? ఈజీ టిప్స్‌..
మన వంటగదిలో కాలిఫ్లవర్ తో రకరకాల రుచికరమైన వంటకాలు తయారు చేస్తుంటాం. అయితే కాలిఫ్లవర్ పువ్వుల మధ్యలో చాలా సూక్ష్మమైన పురుగులు, వాటి గుడ్లు, క్రిమి కీటకాలు దాగి ఉంటాయి. సాధారణ నీటితో కడిగినా ఇవి పురుగులు తొలగిపోవు. అలా అని రసాయనాలు వాడితే పోషకాలు నశిస్తాయి. కాలిఫ్లవర్ పోషకాలు కోల్పోకుండా, లోపలి పురుగులను శుభ్రం చేయడానికి ఈ 4 సులభమైన వంటింటి చిట్కాలను పాటించండి.
Updated on: Oct 11, 2026 | 8:15 PM
కాలిఫ్లవర్ లోపల దాగి ఉండే చిన్న పురుగులు, క్రిమి కీటకాలను పోషకాలు నష్టపోకుండా కేవలం 4 సులభమైన దశల్లో తొలగించవచ్చు. ఈ సహజమైన వంటింటి చిట్కా ద్వారా కూరగాయలలోని విటమిన్లు పోకుండా, ఎలాంటి రసాయనాలు ఉపయోగించకుండా పురుగులను పూర్తిగా తొలగించి సురక్షితంగా వంట చేసుకోవచ్చు.
కాలిఫ్లవర్ ముక్కలుగా కట్ చేయడం
మొదట కాలిఫ్లవర్ ను పూర్తిగా కడగకముందే, దాని ఆకులు, గట్టి కాడలను తొలగించి, పువ్వులను కొంచెం పెద్ద పరిమాణంలో విడివిడిగా కట్ చేసుకోవాలి. మరీ చిన్న ముక్కలు చేస్తే పురుగులు లోపల మరింత ఇరుక్కుపోయే అవకాశం ఉంది.
ఉప్పు, పసుపు నీటిలో నానబెట్టడం
ఒక గిన్నెలో తగినన్ని నీటిని తీసుకుని, అందులో ఒక టేబుల్ స్పూన్ ఉప్పు, అర టీస్పూన్ పసుపు వేయాలి. పసుపు, ఉప్పులో సహజమైన యాంటీ బాక్టీరియల్, క్రిమినాశక గుణాలు ఉంటాయి. ఇప్పుడు కట్ చేసిన కాలిఫ్లవర్ ముక్కలను ఆ నీటిలో వేసి సుమారు 10 నుండి 15 నిమిషాల పాటు అలాగే ఉంచాలి.
పురుగులు బయటకు రావడం
ఉప్పు, పసుపు ప్రభావం వల్ల కాలిఫ్లవర్ లోపల దాగి ఉన్న చిన్న పురుగులు, క్రిములు, మలినాలు అన్నీ నీటి ఉపరిత్వానికి లేదా కిందకు వచ్చి చేరతాయి. ఈ ప్రక్రియ వల్ల కూరగాయలకు ఎలాంటి హాని జరగదు.
స్వచ్ఛమైన నీటితో శుభ్రం చేయడం
నానిన తర్వాత కాలిఫ్లవర్ ముక్కలను ఆ ఉప్పు నీటి నుండి వేరే గిన్నెలోకి తీసుకుని, చివరగా స్వచ్ఛమైన సాధారణ లేదా గోరువెచ్చని నీటితో మరోసారి కడగాలి. అంతే! ఇప్పుడు పురుగులు లేని శుభ్రమైన, పోషకాలు నిండిన కాలిఫ్లవర్ వంటకానికి సిద్ధంగా ఉంటుంది.
