బ్రిడ్జిని ఢీ కొని లాంచీ మునక..

తూర్పుగోదావరి జిల్లా తూర్పు ఏజెన్సీలో ఘోర ప్రమాదం చోటు చేసుకుంది. చింతూరులోని శబరి నది బ్రిడ్జిని ఢీ కొని లాంచీ మునిగిపోయింది. శబరి నదిలో వంతెన పిల్లర్‌ను ఢీకొని లాంచీ రెండు ముక్కలైంది. ఈ ఘటనలో లాంచీ పూర్తిగా మునిపోయింది. చీకటి కావడంతో లాంచీలో ఎంత మంది ఉన్నారనే విషయం తెలియరాలేదు. సమాచారం అందుకున్న పోలీసులు, రెవెన్యూ సిబ్బంది హుటాహుటిన ఘటనాస్థలికి చేరుకున్నారు. ఈ ఘటనపై రెవెన్యూ సిబ్బంది మాట్లాడుతూ లాంచీలో ఎంత మంది ఉన్నారో ఇంకా తెలియట్లేదని త్వరలోనే వివరాలు తెలియజేస్తాన్నారు.

లాంచీ ప్రమాదానికి గురైన సమయంలో లాంచీలో ముగ్గురు ఉన్నట్టు సమాచారం. వరద బాధితులకు నిత్యావసరాలు అందించి తిరిగి వస్తుండగా ఈ లాంచీ ప్రమాదానికి గురైంది. వరద ప్రవాహంతో సహాయక చర్యలకు ఆటంకం కలుగుతోంది. ఈ ఘటనపై ఇంకా పూర్తి సమాచారం రావాల్సి ఉంది.