కుక్క పిల్లకు బారసాల వేడుక.. పేరు పెట్టి నోరూరించే విందు భోజనం..
వారికి పెంపుడు కుక్క అంటే ప్రేమ.. కుటుంబ సభ్యురాలిగానే చూసుకుంటున్నారు..అంతేకాకుండా అల్లారు, ముద్దుగా పెంచుకుంటున్నారు. ఇటీవల.. ఈ కుక్క నాలుగు కూనలకు జన్మనిచ్చింది.. దీంతో.. బారసాల వేడుకను ఘనంగా నిర్వహించారు. ఈ వేడుకకు అందరిని ఆహ్వానించారు..
G Sampath Kumar | Edited By: Jyothi Gadda
Updated on: Nov 24, 2024 | 12:28 PM
జగిత్యాల జిల్లా మెట్టుపల్లి పట్టణంలోని సుభాష్ నగర్ లో నివాసముంటున్న రాపెల్లి వినోద్ – లావణ్య దంపతులు సంవత్సరం క్రితం నుండి షీజూ జాతికి చెందిన కుక్కను పెంచుకుంటున్నారు. ఈ కుక్క కు డైసీ అనే పేరు పెట్టి అల్లారు ముద్దుగా చూసుకుంటున్నారు. వాళ్ళ పిల్లలతో పాటుగా డైసిని కూడా కుటుంబ సభ్యులుగానే భావిస్తున్నారు. అందరి తో ఈ కుక్క విశ్వాసంగా ఉంటుంది. అందరూ ప్రేమ గా చూసుకుంటున్నారు..
వీడియో ఇక్కడ చూడండి..
ఇటీవల నే ఈ కుక్క నాలుగు పిల్లలకు జన్మనిచ్చింది. మనుషుల లాగానే కుక్క పిల్లలకు కూడా చుట్టాలను, ఇరుగు పొరుగు వారిని పిలిచి కొత్త బట్టలు తొడిగి నామకరణ మహోత్సవం నిర్వహించారు. దానితో పాటు అందరికీ విందు భోజనం ఏర్పాటు చేశారు. రెండు, మూడు రకాల వంటకాలు వడ్డించారు. అందరూ వచ్చి విందును ఆరగించారు.. ఈ కుక్క పిల్లలు ను దీవించి వెళ్లిపోయారు..అయితే.. కుక్క కు బారసాల నిర్వహించడం ఫై స్థానికులు ఆశ్చర్యం వ్యక్తం చేస్తున్నారు. మొత్తానికి కుక్క పిల్లల కు ఘనంగా బారసాల నిర్వహించారు..
మరిన్ని ట్రెండింగ్ న్యూస్ కోసం క్లిక్ చేయండి..
