ట్విట్ట‌ర్‌లో పేరు మార్చుకున్న ప్రధాని నరేంద్ర మోదీ

ట్విట్ట‌ర్లో ప్రధాని నరేంద్ర మోదీ తన‌ పేరు మార్చుకున్నారు. సోషల్ మీడియాలో మై భీ చౌకీదార్ పేరుతో సరికొత్త ప్రచార కార్యక్రమానికి శ్రీకారం చుట్టిన ప్రధాని నరేంద్ర మోదీ.. ఆదివారం ట్విట్ట‌ర్‌ హ్యాండిల్ పేరును నరేంద్ర మోదీ నుంచి చౌకీదార్ నరేంద్ర మోదీగా మార్చుకున్నారు. మోదీ మాత్రమే కాదు బీజేపీ పార్టీ అధ్యక్షుడు అమిత్ షా, రైల్వే శాఖ మంత్రి పీయుష్ గోయల్ కూడా వారి ట్విట్ట‌ర్‌ పేర్లకు ముందు చౌకీదార్ అనే పదాన్ని జోడించుకున్నారు.

Your Chowkidar is standing firm & serving the nation.

But, I am not alone.

Everyone who is fighting corruption, dirt, social evils is a Chowkidar.

Everyone working hard for the progress of India is a Chowkidar.

Today, every Indian is saying-#MainBhiChowkidar

— Narendra Modi (@narendramodi) March 16, 2019

మోదీని ప్రతిపక్షాలు తరచూ చౌకీదార్‌ అనే పేరుతో విమర్శిస్తుంటాయి. దీంతో ఆయన శనివారం ‘మై భీ చౌకీదార్‌’ (నేనూ కాపలాదారునే) పేరుతో ప్రచార కార్యక్రమాన్ని ప్రారంభించారు. ‘‘అవినీతి, సామాజిక రుగ్మతలు, అపరిశుభ్రతపై పోరు సల్పే ప్రతిఒక్కరూ కాపలాదారులే. దేశ ప్రగతి కోసం శ్రమించే వారందరూ చౌకీదారులే. నేడు దేశంలో ప్రతి ఒక్కరూ ‘నేనూ కాపలాదారునే’ అని నినదిస్తున్నారు’’ అని ప్రధాని మోదీ శనివారం ట్వీట్‌లో పేర్కొన్నారు. ఈ సందేశానికి మూడు నిమిషాల వీడియోను జత చేశారు.