సంజయ్‌ దత్‌ని కలిసిన కంగనా రనౌత్‌.. ఖల్‌ నాయక్‌ చాలా అందంగా, ఆరోగ్యంగా ఉన్నారన్న నటి
బాలీవుడ్ నటి కంగనా రనౌత్‌, ఖల్‌నాయక్‌ సంజయ్‌ దత్‌ని కలిశారు. ఈ విషయాన్ని ఆమె తన సోషల్ మీడియాలో షేర్ చేసుకున్నారు.
Kangana Sanjay Dutt: బాలీవుడ్ నటి కంగనా రనౌత్‌, ఖల్‌నాయక్‌ సంజయ్‌ దత్‌ని కలిశారు. ఈ విషయాన్ని ఆమె తన సోషల్ మీడియాలో షేర్ చేసుకున్నారు. సంజయ్‌ సర్‌, నేను ఒకే హోటల్‌లో ఉన్నామని తెలిసిన తరువాత ఆయనను కలిసేందుకు ఈ ఉదయం వెళ్లాను. ఆయన చాలా అందంగా, ఆరోగ్యంగా ఉండటం నాకు సంతోషాన్ని ఇచ్చింది. మీరు జీవితాంతం సంతోషంగా ఆరోగ్యంతో ఉండాలని మేము ప్రార్థించాము అని కంగనా తన సోషల్ మీడియాలో కామెంట్‌ పెట్టారు. ఈ సందర్భంగా సంజుతో తీసుకున్న ఫొటోను కూడా షేర్ చేశారు. ఇక ఈ ఫొటో ఇప్పుడు సోషల్ మీడియాలో వైరల్‌గా మారగా.. అందరినీ ఆకట్టుకుంటోంది. అయితే బాలీవుడ్‌పై ఎప్పుడూ విమర్శలు చేసే కంగనా.. సంజయ్‌ని కలవడం విశేషం. (Official: ‘ఛత్రపతి’ హిందీ రీమేక్‌లో బెల్లంకొండ.. ఇక్కడ పరిచయం చేసిన వినాయక్‌నే అక్కడ కూడా)
కాగా తాను స్టేజ్‌ 4 ఊపిరితిత్తుల క్యాన్సర్‌తో బాధపడుతున్నట్లు ఆయన ఆ మధ్యన వెల్లడించారు. దీంతో అభిమానులందరూ షాక్‌కి గురయ్యారు. ఆ తరువాత విదేశాలకు వెళ్లిన సంజయ్‌.. పూర్తిగా కోలుకొని భారత్‌కి వచ్చారు. ఇక ప్రస్తుతం ఈ నటుడు.. యశ్‌ హీరోగా నటిస్తోన్న కేజీఎఫ్‌ 2లో అధీర అనే విలన్‌ పాత్రలో నటిస్తున్నారు. మరోవైపు కంగనా రనౌత్‌.. జయలలిత బయోపిక్‌ తలైవిలో నటిస్తున్నారు. (బాలీవుడ్‌లో రీమేక్ అవ్వబోతున్న ఊసరవెల్లి.. ప్రకటించిన ప్రముఖ నిర్మాత.. ఎన్టీఆర్ పాత్రలో అక్షయ్‌..!)
When I got to know we were staying in the same hotel in Hydrabad, I went to see Sanju sir this morning to check on his health and was pleasantly surprised to see him look even more handsome and healthy. We pray for your long life and good health ? pic.twitter.com/VPB5reGThp
— Kangana Ranaut (@KanganaTeam) November 27, 2020
