Vastu Tips for Sleeping: ఉత్తరం వైపు తల పెట్టి పడుకుంటే ఏమౌతుందో తెలుసా..? సైన్స్ కూడా ఇదే చెబుతోంది..
నిద్రపోయేటప్పుడు పాటించాల్సిన వాస్తు నియమాలు చాలా ముఖ్యమైనవని వాస్తు శాస్త్రం పేర్కొంది. ఈ వాస్తు నియమాలను పాటిస్తే ప్రతిఒక్కరూ తమ పనిలో విజయం సాధిస్తారు. ఇంటికి శ్రేయస్సు కూడా వస్తుంది. వాస్తు శాస్త్రం ప్రకారం, నిద్రపోతున్నప్పుడు కూడా దిశలపై శ్రద్ధ వహించాలి. లేదంటే సమస్యలు తలెత్తే ప్రమాదం ఉంటుంది. నిద్రపోయేటప్పుడు ఎలాంటి వాస్తు నియమాలను పాటించాలో ఇక్కడ తెలుసుకుందాం...
ఇంట్లోని ప్రతి వస్తువుకు వాస్తు శాస్త్రం అనేక నియమాలను నిర్దేశిస్తుంది. అంతేకాకుండా, ఇది ఒక వ్యక్తి దినచర్య గురించి కూడా అనేక విషయాలను వివరిస్తుంది. కూర్చోవడం, తినడం ఏ దిశలో శుభప్రదమో కూడా వాస్తు శాస్త్రం వివరిస్తుంది. అలాగే, నిద్రపోయేటప్పుడు కూడా తప్పనిసరిగా వాస్తు నియమాలు పాటించాలని నిపుణులు చెబుతున్నారు. నిద్రపోయేటప్పుడు మీ పాదాలను ఎట్టి పరిస్థితుల్లోనూ ఈ దిశలో ఉంచరాదని హెచ్చరిస్తున్నారు. వాస్తు శాస్త్రం ప్రకారం ఏ వ్యక్తి ఎప్పుడూ తలను ఉత్తరం వైపు పెట్టి నిద్రించరాదని చెబుతున్నారు. అలా చేస్తే మంచిది కాదని, అది మృత్యువుకూ దారితీస్తుందని హిందూ పెద్దల నమ్మకం.
తప్పుడు నిద్ర దిశలో నిద్రించటం వల్ల మానసిక గందరగోళం ఏర్పడుతుంది. నిద్రలేమి, చిరాకు, పీడకలలు, ఆర్థిక నష్టం వంటి సమస్యలను ఎదుర్కోవచ్చు. నిద్రకు సంబంధించిన ఆచారాలు అనేక పురాతన గ్రంథాలలో కూడా వివరించారు. దీని ప్రకారం తల ఉత్తరం, లేదా పడమర వైపు ఉంచి అస్సలు నిద్రించకూడదని చెబుతున్నారు. తల పడమర వైపు ఉంచి నిద్రించడం వల్ల తీవ్రమైన ఆందోళన కలుగుతుంది. తల ఉత్తరం వైపు ఉంచి నిద్రపోవడం వల్ల అనేక ఇబ్బందులు వస్తాయి. సైన్స్ కూడా భూమి, మన శరీరం అయస్కాంత క్షేత్రాల్లా పనిచేస్తాయని చెబుతోంది.
ఉత్తర దిశలో తలపెడితే రక్తంలోని ఐరన్ ఆ దిశకు ఆకర్షితమై రక్తప్రసరణ అసమానంగా మారి, మెదడుకు రక్తప్రవాహం పెరిగి గుండె, బీపీ సమస్యలు రావచ్చు. దీంతో నిద్ర నాణ్యత తగ్గి తలనొప్పి, నిద్రలో పదే పదే మెలకువలు కలుగుతాయి.
అయస్కాంత సూత్రాల ప్రకారం మీరు మీ తల దక్షిణం వైపు ఉంచి నిద్రపోతే ఆహారం సరిగ్గా జీర్ణమవుతుంది. బాగా నిద్రపడుతుంది. హాయిగా నిద్రపోతారు. ఎందుకంటే, ధ్రువ ఆకర్షణ సూత్రం ప్రకారం దక్షిణం నుండి ఉత్తరం వైపు ప్రవహించే విద్యుత్తు మన మెదడులోకి ప్రవేశించి పాదాల ద్వారా నిష్క్రమిస్తుంది. ఇది ఒక వ్యక్తి జీవితకాలం పెంచుతుంది.
మత గ్రంథాల ప్రకారం మరణానికి దేవుడైన యముడు దక్షిణ దిశకు అధిపతి. అందువల్ల, మరణానికి దేవుడైన యముడి వైపు మీ పాదాలను ఉంచి నిద్రపోవడం వల్ల వ్యక్తి జీవితకాలం తగ్గుతుందని చెబుతారు.
Note : ఈ వార్తలలో చెప్పిన సమాచారం మత విశ్వాసాలపై ఆధారపడి ఉంది. కేవలం పాఠకుల ఆసక్తి మేరకు, పలువురు పండితుల సూచనలు, వారు తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.
మరిన్ని ట్రెండింగ్ న్యూస్ కోసం క్లిక్ చేయండి..