Snakes: మన దేశంలో పాములకు ఈ రాష్ట్రం అడ్డా.. ఎందుకో తెలుసా?
పాములంటే భయపడనివారు చాలా తక్కువ. కానీ, భారతదేశంలో ఒక రాష్ట్రం ఉంది. అక్కడ రోడ్డుపై వెళ్లేటప్పుడు, ఇంట్లోకి వచ్చేటప్పుడు తరచుగా పాములు కనిపిస్తుంటాయి. అది అందమైన సముద్ర తీరాలకు, ప్రకృతి అందాలకు ప్రసిద్ధి చెందిన రాష్ట్రం. ఆశ్చర్యకరంగా, భారతదేశంలో అత్యధిక పాముల జాతులు ఇక్కడే ఉన్నాయి. ఒక్క పర్యటకులకే కాదు పాములకూ ఈ రాష్ట్రం స్వర్గధామంగా మారింది..
Updated on: Sep 17, 2025 | 7:50 PM
సాధారణంగా పాములంటే చాలామందికి భయం. అయితే, భారతదేశంలో అత్యధిక పాముల జాతులు ఉన్న ఒక రాష్ట్రం ఉంది. ఆ రాష్ట్రం మరేదో కాదు.. కేరళ. పర్యాటకులకు ఎంతో ఇష్టమైన ఈ రాష్ట్రం, దాని అందమైన బీచ్ లకే కాకుండా అత్యధిక పాముల సంఖ్యకు కూడా ప్రసిద్ధి చెందింది.
కేరళలో సుమారు 350 రకాల పాములు ఉన్నాయి. ఈ రాష్ట్రంలో పాముల సంఖ్య ఇంత ఎక్కువగా ఉండటానికి కొన్ని కారణాలు ఉన్నాయి. ఇక్కడి వాతావరణం, అధిక వర్షపాతం, దట్టమైన చెట్లు పాములకు అనువైన నివాస స్థలాలను అందిస్తాయి. దీనివల్ల ఇక్కడ అనేక పాముల జాతులు జీవించగలుగుతున్నాయి. అలాగే, ఇక్కడి జీవ వైవిధ్యం పాములకు కావాల్సిన ఆహారం, దాక్కునే ప్రదేశాలను కల్పిస్తుంది.
కేరళలో నాగపాము, సారె లాంటి పాములను స్థానికులు తరచుగా చూస్తుంటారు. ఈ ప్రాంతంలో పాములు, మనుషులు కలిసి ఉండడం వల్ల ఇవి అక్కడక్కడా తారసపడుతుంటాయి. అయితే, ఇక్కడి ప్రజలు వాటిని చూసినప్పుడు జాగ్రత్తగా ఉంటారు. వైద్య సదుపాయాలు మెరుగ్గా ఉన్నాయి. పాముకాటును సమర్థవంతంగా నిర్వహించగలుగుతున్నారు.
కేరళను “గాడ్స్ ఓన్ కంట్రీ” అని పిలవడానికి రెండు ప్రధాన కారణాలు ఉన్నాయి. మొదటిది, అక్కడి అద్భుతమైన, సహజమైన ప్రకృతి అందం. పచ్చని పర్వతాలు, బ్యాక్ వాటర్స్ , సుందరమైన బీచ్ లు, దట్టమైన అడవులతో కేరళ ఒక స్వర్గంలా కనిపిస్తుంది. ఈ భూమిని దేవుడే స్వయంగా సృష్టించాడని చెప్పడానికి పురాణ కథలు కూడా ఉన్నాయి. రెండవది, 1980లలో కేరళ టూరిజం సంస్థ చేపట్టిన విజయవంతమైన మార్కెటింగ్ ప్రచారం. కేరళ సహజ సౌందర్యాన్ని పర్యాటకులకు పరిచయం చేయడానికి ఈ నినాదాన్ని ఉపయోగించారు. ఆ తర్వాత ఇది ప్రపంచవ్యాప్తంగా బాగా ప్రాచుర్యం పొందింది. ఈ రెండు కారణాల వల్ల కేరళకు “గాడ్స్ ఓన్ కంట్రీ” అనే పేరు వచ్చింది.
