Driving Licence: డ్రైవింగ్ లైసెన్స్ ఇంట్లో మర్చిపోయారా? ఇలా చేస్తే పోలీసులు మిమ్మల్ని ఏం అనరు..

Driving Licence: భారతదేశంలో డ్రైవింగ్ లైసెన్స్ పౌరులకు చాలా ముఖ్యమైన డాక్యూమెంట్‌గా పరిగణించబడుతుంది. డ్రైవింగ్ చేయాలంటే డ్రైవింగ్ లైసెన్స్ తప్పనిసరి. డ్రైవింగ్ చేసేటప్పుడు డ్రైవింగ్ లైసెన్స్ ( DL ) ఎల్లప్పుడూ తమ వద్దే ఉంచుకోవాలి.

Driving Licence

Shiva Prajapati |
Updated on: Dec 14, 2022 | 11:35 AM

భారతదేశంలో డ్రైవింగ్ లైసెన్స్ పౌరులకు చాలా ముఖ్యమైన డాక్యూమెంట్‌గా పరిగణించబడుతుంది. డ్రైవింగ్ చేయాలంటే డ్రైవింగ్ లైసెన్స్ తప్పనిసరి. డ్రైవింగ్ చేసేటప్పుడు డ్రైవింగ్ లైసెన్స్ ( DL ) ఎల్లప్పుడూ తమ వద్దే ఉంచుకోవాలి. అయితే చాలామంది డ్రైవింగ్ లైసెన్స్ తమ వద్ద ఉంచుకోవడం మర్చిపోతుంటారు. దాంతో పోలీసులు చెకింగ్ సమయంలో డ్రైవింగ్ లైసెన్స్ అడితే బిత్తర చూపులు చూడాల్సిన పరిస్థితి వస్తుంది. అయితే, ఇప్పుడు ఈ విషయంలో చింతించాల్సిన పని లేదు. ఎందుకంటే ఒకవేళ మీరు మీ డ్రైవింగ్ లెసెన్స్‌ను ఇంట్లో మర్చిపోయినా.. స్మార్ట్ ఫోన్‌ ఉంటే చాలు. ఫోన్‌లో సెకన్ల వ్యవధిలోనే డ్రైవింగ్ లైసెన్స్‌ని డౌన్‌లోడ్ చేసుకోవచ్చు. అదెలాగో ఇవాళ తెలుసుకుందాం..

భారతదేశంలో గేర్, ఫోర్ వీలర్ లేదా పెద్ద వాహనాన్ని నడపడానికి కనీసం 18 ఏళ్ల వయస్సు ఉండాలి. అలా అయితే డ్రైవింగ్ లైసెన్స్ కోసం దరఖాస్తు చేసుకోవడానికి అవకాశం ఉంటుంది. ఇక మీ డ్రైవింగ్ లైసెన్స్‌ను మీ పర్సులో ఉంచుకున్నట్లే, అందుకు సంబంధించిన పీడీఎఫ్‌ను కూడా మీ మొబైల్‌లో ఉంచుకోవచ్చు. దీనిని ఆన్‌లైన్ ద్వారా ఈజీగా డౌన్‌లోడ్ చూసుకోవచ్చు.

డిజిటల్ డ్రైవింగ్ లైసెన్స్ చూపినా ఓకే..

డ్రైవింగ్ చేయడానికి అనుమతి ఉన్నట్లుగా తెలిపేది డ్రైవింగ్ లైసెన్స్. పోలీసులు తనిఖీలు చేసే సమయంలో వాహనదారుల డ్రైవింగ్ లైసెన్స్ తప్పనిసరిగా చెక్ చేస్తారు. అయితే మీ వద్ద ఫిజికల్ కార్డు లేనట్లయితే.. స్మార్ట్ ఫోన్‌లో పిడిఎఫ్ కార్డ్‌ను కూడా చూపించొచ్చు. దీనిని పోలీసులు అనుమతిస్తారు.

ఇవి కూడా చదవండి

డ్రైవింగ్ లైసెన్స్ ఇలా డౌన్‌లోడ్ చేసుకోండి..

1. ముందుగా రవాణా సేవల వెబ్‌సైట్‌కు వెళ్లాలి.

2. ‘‘ఆన్‌లైన్ సేవలు” విభాగంలో డ్రైవర్ లైసెన్స్-సంబంధిత సేవలు ఆప్షన్‌ను క్లిక్ చేయండి.

3. డ్రాప్-డౌన్ మెను నుండి రాష్ట్ర పేరును ఎంచుకోవాలి.

4. ‘‘డ్రైవింగ్ లైసెన్స్’’ విభాగంలో ‘ప్రింట్ డ్రైవింగ్ లైసెన్స్’ పై క్లిక్ చేయండి.

5. మీ అప్లికేషన్ నంబర్, పుట్టిన తేదీని నమోదు చేయాలి.

6. ఆ తరువాత సబ్మిట్ ఆప్షన్‌ను క్లిక్ చేయాలి. డ్రైవింగ్ లైసెన్స్ వివరాలను చెక్ చేసిన తరువాత.. మీ లైసెన్స్‌ను ప్రింట్ తీసుకోవచ్చు. లేదా పిడిఎఫ్‌ ఫార్మాట్‌లో సేవ్ చేసుకోవచ్చు.