Viral: శోభనం కోసం ఆత్రుతగా ఎదురుచూసిన భర్త.. సీన్ కట్ చేస్తే.. దిమ్మతిరిగే షాకిచ్చిన భార్య..

ఆ అమ్మాయిని ఎంతో ఇష్టపడి పెళ్లి చేసుకున్నాడు ఓ యువకుడు. ఫస్ట్ నైట్ కోసం ఆత్రుతగా ఎదురుచూసిన అతడికి.. నవ వధువు శారీరిక సంబంధానికి నిరాకరించింది. పెళ్లి పనుల్లో అలిసిపోయి ఉండొచ్చులే అని అనుకున్నాడు. ఇక రెండో రోజు కూడా ఇదే తంతు.. ఆమె అతడ్ని దగ్గరకు రానివ్వకపోవడంతో.. భర్తకు డౌట్ వచ్చి గట్టిగా నిలదీశాడు. అంతే! అతడికి దిమ్మతిరిగే షాకిచ్చింది భార్య. తానొక ట్రాన్స్‌జెండర్ అని చెప్పడంతో.. వరుడుతో సహా అత్తమామలు దెబ్బకు నిర్ఘాంతపోయారు. చివరికి పోలీసులను ఆశ్రయించారు. ఈ ఘటన ఉత్తరప్రదేశ్‌లో చోటు చేసుకుంది. ఆ వివరాల్లోకి వెళ్తే..

ఈటాలోని జైతారా గ్రామానికి చెందిన ఓ యువకుడు.. ఇటీవల ఢిల్లీకి చెందిన అమ్మాయిని వివాహమాడాడు. ఫస్ట్ నైట్ రోజు ఆమె శారీరక సంబంధానికి నిరాకరించడంతో.. బహుశా అలిసిపోయి ఉండొచ్చునని అనుకున్నాడు. రెండో రోజు కూడా భార్య ప్రవర్తన అదే తీరులో ఉండటంతో అనుమానం వచ్చి గట్టిగా నిలదీశాడు. దీనితో అసలు విషయం బయటపడింది.

తానొక ట్రాన్స్‌జెండర్ అని.. తన తల్లిదండ్రులు ఈ విషయాన్ని దాచిపెట్టి పెళ్లి చేశారని నిజాన్ని బట్టబయలు చేసింది. దీంతో వరుడు ఆమెను తిరిగి వాళ్ళింటికి పంపించేశాడు. ఆ తర్వాత కొన్ని రోజులకు వధువు తరపు బంధువులు వరుడి ఇంటికి వచ్చి కట్నం డబ్బు, నగలను తీసుకెళ్లారు. అయితే పెళ్లికి తాను పెట్టిన ఖర్చు ఇవ్వాలని వరుడు అడగటం.. వధువు కుటుంబీకులు అతడిపై దాడి చేశారు. దీంతో వరుడు, అతడి తల్లిదండ్రులు పోలీసులకు ఫిర్యాదు చేశారు. కాగా, ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు.