ఆరోగ్యంగా ఉండాలంటే రాత్రి ఈ టైమ్ కి తినండి.. శరీరంలో జరిగే మ్యాజిక్ చూసి ఆశ్చర్యపోతారు..!
రాత్రి భోజనం చేసే సమయం మన ఆరోగ్యంపై నేరుగా ప్రభావం చూపుతుంది. ఆలస్యంగా భోజనం చేయడం వల్ల జీర్ణ సమస్యలు, అజీర్ణం, గ్యాస్, బరువు పెరగడం వంటి సమస్యలు వస్తాయి. కానీ పడుకునే ముందు 2 నుంచి 3 గంటలకే భోజనం పూర్తి చేస్తే జీర్ణక్రియ మెరుగుపడి.. రక్తంలో చక్కెర స్థాయిలు నియంత్రణలో ఉంటాయి.
మీరు రాత్రి భోజనాన్ని ముందుగానే పూర్తి చేయడం వల్ల మరుసటి రోజు ఉత్సాహంగా ఉండటమే కాకుండా.. రక్తంలో చక్కెర స్థాయిలను కూడా నియంత్రించుకోవచ్చు. రాత్రి భోజనం సమయం మన ఆరోగ్యంపై చాలా ప్రభావం చూపుతుంది. రాత్రి ఆలస్యంగా ముఖ్యంగా పడుకునే ముందు భోజనం చేస్తే జీర్ణ సమస్యలు, గ్యాస్, అజీర్ణం, బరువు పెరగడం వంటి ఇబ్బందులు వస్తాయి. శరీరం నిద్రలో విశ్రాంతి తీసుకోవాల్సింది పోయి.. ఆహారాన్ని జీర్ణం చేయడానికి కష్టపడాల్సి వస్తుంది. దీని వల్ల నిద్ర కూడా సరిగా పట్టదు.
సాయంత్రం త్వరగా భోజనం చేస్తే..
- జీర్ణక్రియ మెరుగుపడుతుంది.. రాత్రి భోజనాన్ని త్వరగా పూర్తి చేయడం వల్ల ఆహారం పూర్తిగా జీర్ణం కావడానికి తగిన సమయం దొరుకుతుంది. దీంతో మరుసటి రోజు ఉదయం మీరు తేలికగా ఉత్సాహంగా ఉంటారు.
- రక్తంలో చక్కెర అదుపులో ఉంటుంది.. రాత్రి గడిచే కొద్దీ మన శరీరంలో ఇన్సులిన్ ప్రభావం తగ్గుతుంది. అందుకే రాత్రి భోజనం ముందుగా చేస్తే రక్తంలో చక్కెర స్థాయిలు అదుపులో ఉంటాయి. ఇది మధుమేహం ఉన్న వారికి లేదా వచ్చే అవకాశం ఉన్న వారికి చాలా మంచిది.
- జీవక్రియకు మేలు.. రాత్రిపూట మన శరీరం ఆహారాన్ని జీర్ణం చేయడం కంటే.. శరీరంలోని కణాలను బాగు చేసుకునే పనిలో ఉంటుంది. ఈ ముఖ్యమైన ప్రక్రియ సక్రమంగా జరగాలంటే.. భోజనం త్వరగా పూర్తి చేయడం మంచిది.
ప్రతి ఒక్కరూ ఖచ్చితంగా రాత్రి 7 గంటలకే తినాలని లేదు. కానీ పడుకోవడానికి కనీసం 2 నుంచి 3 గంటల ముందు భోజనం పూర్తి చేయడం చాలా ముఖ్యం. ఈ చిన్న మార్పు మీ జీవనశైలిని మెరుగుపరచడానికి.. మీ ఆరోగ్యాన్ని కాపాడుకోవడానికి చాలా సహాయపడుతుంది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)