Turmeric Side Effects: పసుపును వీరు అస్సలు తినకూడదట.. ఎందుకో తెలుసా..?
పసుపు ఆరోగ్యానికి మంచిదే కానీ అందరికీ కాకపోవచ్చు. కొన్ని ఆరోగ్య సమస్యలున్నవారు పసుపును తీసుకోవడంలో జాగ్రత్త వహించాలి. ఇది మధుమేహం, కిడ్నీ రాళ్లు, శ్వాస సమస్యలపై ప్రతికూల ప్రభావం చూపే అవకాశం ఉంది. కనుక పసుపు వాడే ముందు డాక్టర్ సలహా తీసుకోవడం అవసరం.
పసుపు శరీరానికి రోగనిరోధక శక్తిని పెంపొందించడమే కాకుండా.. చర్మాన్ని కాంతివంతంగా చేయడం, శరీరంలోని వాపులు తగ్గించడం వంటి ఎన్నో ప్రయోజనాలు కలిగిస్తుంది. అయితే ఈ ప్రయోజనాలు అందరికీ వర్తిస్తాయా అన్న ప్రశ్నకు సమాధానం కాదనే చెప్పాలి. కొంతమందికి కొన్ని ఆరోగ్య సమస్యలు ఉన్నప్పుడు పసుపు తినడం వల్ల లాభం కాకుండా హానికరంగా మారవచ్చు.
కొన్ని ఆరోగ్య సమస్యలున్నప్పుడు పసుపు తినకూడదు. అలా నిర్లక్ష్యంగా తింటే ఆరోగ్యం మరింత క్షీణించే ప్రమాదం ఉంది. పసుపును ఆయుర్వేదం, పాతకాలం వైద్య పుస్తకాలు ఔషధంగా చెప్పాయి. కానీ దాన్ని ఎవరు, ఎప్పుడు, ఎలా వాడాలో స్పష్టంగా చెప్పిన సూచనలు ఉన్నాయి. వాటిని మనం తప్పకుండా గుర్తుంచుకోవాలి.
పసుపులో ఉండే కుర్కుమిన్ అనే పదార్థం రక్తంలో చక్కెరని తగ్గించే శక్తి కలిగి ఉంటుంది. ఇది మధుమేహాన్ని నియంత్రించడంలో సహాయం చేస్తుంది. అయితే ఇప్పటికే మధుమేహ మందులు వాడుతున్నవారు పసుపు కూడా తీసుకుంటే చక్కెర స్థాయి చాలా తక్కువ అయ్యే ప్రమాదం ఉంది. అందుకే మధుమేహం ఉన్నవారు పసుపు వాడే ముందు తప్పకుండా డాక్టర్ సలహా తీసుకోవాలి.
కామెర్లు, జలుబు, దగ్గు, గొంతు ఇన్ఫెక్షన్ వంటివి ఉన్నవారు తమ శరీరం పూర్తిగా ఆరోగ్యంగా మారిన తర్వాత మాత్రమే పసుపును తిరిగి తినడం ప్రారంభించాలి. ఎందుకంటే కొన్ని సందర్భాల్లో పసుపు శ్వాస సమస్యలను ఎక్కువ చేయొచ్చు. అందుకే పూర్తిగా కోలుకున్న తర్వాత డాక్టర్ చెప్పిన సూచనలతోనే పసుపును మళ్లీ ఆహారంలో వాడాలి.
పసుపులో ఉండే ఆక్సలేట్లు మూత్రపిండాల్లో రాళ్లు ఏర్పడే అవకాశాన్ని పెంచుతాయి. ఇప్పటికే మూత్రపిండాల్లో రాళ్లు ఉన్నవారు లేదా గతంలో రాళ్లు వచ్చి చికిత్స తీసుకున్నవారు పసుపును తక్కువగా వాడాలి లేదా పూర్తిగా మానేయాలి. వీలైనంత వరకు ఆహారంలో లేదా డ్రింక్స్ లో పసుపు వాడకుండా ఉండటం మంచిది.
పసుపు ఆరోగ్యానికి మంచిదని నమ్మి అందరూ ఎక్కువగా వాడటం సరైంది కాదు. ప్రతీ ఒక్కరూ తమ ఆరోగ్య పరిస్థితిని బట్టి డాక్టర్ సలహా తీసుకుని మాత్రమే అవసరమైనప్పుడు తగినంత పసుపు తీసుకోవాలి. ఇలా చేస్తే పసుపు లాభాలు అందుతాయి.