Foods To Fight Fatigue: మీరూ చిన్న పనికే విపరీతంగా అలసిపోతున్నారా? కారణం ఏమిటో తెలుసా..
కొంతమంది ఆరోగ్యంగా ఉన్నప్పటికీ శక్తి లేనట్లు, అలసిపోయినట్లు అనిపిస్తుంది. ఏ చిన్న పని చేసినా త్వరగా అలసిపోతుంటారు. దీనికి ప్రధాన కారణం ఒంట్లో అవసరమైన పోషకాలు లేకపోవడమే. మన ప్రస్తుత జీవనశైలి కారణంగా జంక్ ఫుడ్ అలవాట్లు మన శరీరాన్ని లోపల నుంచి బలహీనపరుస్తున్నాయి. దీని కారణంగా..
ఆరోగ్య సమస్యలు వచ్చినప్పుడు అలసిపోవడం, నీరసంగా ఉండటం సహజం. కానీ కొంతమంది ఆరోగ్యంగా ఉన్నప్పటికీ శక్తి లేనట్లు, అలసిపోయినట్లు అనిపిస్తుంది. ఏ చిన్న పని చేసినా త్వరగా అలసిపోతుంటారు. దీనికి ప్రధాన కారణం ఒంట్లో అవసరమైన పోషకాలు లేకపోవడమే. మన ప్రస్తుత జీవనశైలి కారణంగా జంక్ ఫుడ్ అలవాట్లు మన శరీరాన్ని లోపల నుంచి బలహీనపరుస్తున్నాయి. దీని కారణంగా శరీరంలో అలసట పెరుగుతుంది. ఇటువంటి పరిస్థితిలో సోమరితనం వదిలించుకోవడానికి, శరీరాన్ని పునరుజ్జీవింపజేయడానికి ప్రతిరోజూ ఈ కింది పోషకమైన ఆహారాలను తీసుకోవడం అలవాటు చేసుకోవాలి.
అలసటను తగ్గించడానికి తినవలసిన ఆహారాలు ఇవే
చియా గింజలు
చియా గింజలు ఆరోగ్యానికి ఎంతో మేలు చేస్తాయి. వీటిలో ఒమేగా-3 కొవ్వు ఆమ్లాలు, ప్రోటీన్, ఫైబర్ పుష్కలంగా ఉంటాయి. ఇవి శరీరానికి దీర్ఘకాలిక శక్తిని అందిస్తాయి. కండరాల పునరుద్ధరణకు సహాయపడతాయి. అలాగే చియా విత్తనాలలో ఉండే ఐరన్, మెగ్నీషియం, కాల్షియం బలహీనత, బద్ధకాన్ని తగ్గిస్తాయి. చియా విత్తనాలను నీటిలో నానబెట్టి తాగడం వల్ల శరీరానికి హైడ్రేషన్ లభిస్తుంది. ఇది త్వరగా అలసట నుంచి ఉపశమనం పొందడంలో సహాయపడుతుంది.
అరటిపండు
అరటిపండ్లలో సహజ గ్లూకోజ్, ఫ్రక్టోజ్, సుక్రోజ్ ఉంటాయి. ఇవి అలసట నుంచి ఉపశమనం కలిగించడంలో, శరీరానికి త్వరగా శక్తిని అందించడంలో సహాయపడతాయి. దీనిలోని పొటాషియం కంటెంట్ కండరాల బలహీనత, కండరాల తిమ్మిరిని తగ్గిస్తుంది. అరటిపండ్లలో విటమిన్ B6 కూడా పుష్కలంగా ఉంటుంది, ఇది జీవక్రియను మెరుగుపరుస్తుంది. అలసటను తొలగిస్తుంది. శరీరాన్ని ఎక్కువసేపు చురుగ్గా ఉంచుతుంది.
బాదం
బాదంలో ఆరోగ్యకరమైన కొవ్వులు, ప్రోటీన్, ఫైబర్ పుష్కలంగా ఉంటాయి. ఇవి అలసట నుంచి ఉపశమనం కలిగిస్తాయి. బాదంలో ఉండే మెగ్నీషియం కంటెంట్ కండరాలను సడలించి బలహీనతను తగ్గిస్తుంది. బాదంలో విటమిన్ E, B-కాంప్లెక్స్ పుష్కలంగా ఉంటాయి. ఇవి కణ శక్తిని పెంచడం ద్వారా అలసట, ఒత్తిడిని తగ్గించడంలో సహాయపడతాయి. అలాగే వాటి యాంటీఆక్సిడెంట్ లక్షణాలు శరీరాన్ని చురుకుగా ఉంచుతాయి.
వాల్నట్స్
వాల్నట్స్లో ఒమేగా-3 కొవ్వు ఆమ్లాలు, ప్రోటీన్, ఆరోగ్యకరమైన కొవ్వులు పుష్కలంగా ఉంటాయి. ఇవి అలసటను తగ్గించడంలో, శరీరానికి శక్తిని అందించడంలో సహాయపడతాయి. వాటిలోని మెగ్నీషియం, ఐరన్ కంటెంట్ కండరాల బలహీనతను తగ్గిస్తుంది. రక్త ప్రసరణను మెరుగుపరుస్తుంది. వాల్నట్స్లోని యాంటీఆక్సిడెంట్లు మానసిక అలసట, ఒత్తిడిని తగ్గిస్తాయి. దీని క్రమం తప్పకుండా తీసుకోవడం వల్ల శరీరాన్ని చురుకుగా ఉంచడానికి సహాయపడుతుంది.
ఓట్స్
ఓట్స్ సంక్లిష్ట కార్బోహైడ్రేట్లకు మంచి మూలం. ఇవి అలసట నుంచి ఉపశమనం కలిగించి, శరీరాన్ని ఎక్కువసేపు చురుగ్గా ఉంచుతాయి. దీనిలోని ఫైబర్ కంటెంట్ రక్తంలో చక్కెర స్థాయిలను స్థిరీకరించడానికి సహాయపడుతుంది. ఓట్స్లో ఇనుము, మెగ్నీషియం, బి విటమిన్లు కూడా ఉంటాయి. ఇవి కండరాలు, నాడీ వ్యవస్థను బలోపేతం చేస్తాయి. మానసిక, శారీరక అలసటను తగ్గిస్తాయి.
గ్రీన్ టీ
అధిక పని వల్ల అలసట, ఒత్తిడి రెండూ వస్తాయి. మీరు కూడా ఈ రకమైన అలసటతో బాధపడుతుంటే గ్రీన్ టీ తాగడం అలవాటు చేసుకోండి. ఇది త్వరిత శక్తిని అందించడమే కాకుండా ఏకాగ్రతను మెరుగుపరచడంలో కూడా సహాయపడుతుంది.
మరిన్ని లైఫ్స్టైల్ కథనాల కోసం క్లిక్ చేయండి.