Banana Benefits: ఉదయాన్నే అరటిపండు తింటే శరీరానికి ఇన్ని ఉపయోగాలా?
ప్రతి రోజు అరటిపండును తినడం ఆరోగ్యానికి చాలా మేలు చేస్తుంది. ఇది విటమిన్ బి6, పొటాషియం, మాంగనీస్ అందిస్తూ జీర్ణవ్యవస్థను మెరుగుపరుస్తుంది. చర్మ ఆరోగ్యం, కండరాల పనితీరు, మూత్రపిండాల ఆరోగ్యం, రక్తపోటు నియంత్రణలో సహాయపడుతుంది. ప్రతి రోజూ ఉదయం అరటిపండును తినడం వల్ల ఎన్ని లాభాలున్నాయో మీకు తెలుసా ?
మనకు అన్ని సీజన్లలోనూ అందుబాటులో ఉండే పండు ఏదైనా ఉందంటే అది టక్కున అరటిపండు అనే చెబుతాం. ఈ పండ్లు చాలా త‌క్కువ ధ‌ర‌ను క‌లిగి ఉంటాయి. క‌నుక పేద వ‌ర్గాల‌కు చెందిన వారు కూడా ఈ పండ్ల‌ను సుల‌భంగా కొని తిన‌వ‌చ్చు. అయితే ప్రతి రోజూ ఉదయం అరటిపండును తినడం వల్ల ఎన్ని లాభాలున్నాయో మీకు తెలుసా ?
విటమిన్ బి6 స్థాయులను పెంచుతుంది !
అరటిపండులో విటమిన్ బి6 సమృద్ధిగా ఉంటుంది. ఇది శరీరానికి ఆహారాన్ని శక్తిగా మార్చడంలో, సిరోటోనిన్, డోపమిన్ వంటి న్యూరోట్రాన్స్‌మిటర్లను ఉత్పత్తి చేయడంలో సహాయపడుతుంది. ఆరోగ్యకరమైన రక్త హీమోగ్లోబిన్‌ను కూడా నిర్మించడంలో ఈ విటమిన్
బి6 కీలకపాత్ర పోషిస్తుంది.
జీర్ణ సమస్యలను సహజంగా తగ్గిస్తుందట..
అరటిపండులో సహజ ఫైబర్ ఉండటం వల్ల మలబద్ధకం, అజీర్ణం వంటి సమస్యలు తగ్గుతాయి. పెక్టిన్ అనే (soluble fibre) జీర్ణవ్యవస్థ పనితీరును సరిచేస్తుంది. ఉదయాన్నే అరటిపండు తినడం వల్ల గట్ హెల్త్ మెరుగవుతుంది.
చర్మ ఆరోగ్యానికి మాంగనీస్ అందిస్తుంది
అరటిపండులోని మాంగనీస్ కాలజన్ ఉత్పత్తిని పెంచుతుంది, ఇది చర్మాన్ని కాంతివంతంగా, ఆరోగ్యంగా ఉంచుతుంది. ఉదయం అరటిపండు తినడం శక్తిని పెంచడమే కాకుండా చర్మానికి తేజస్సును కూడా ఇస్తుంది.
ఎక్కువసేపు కడుపు నిండుగా ఉంచుతుంది !
ఫైబర్, సహజ చక్కెరల సమతుల్యత వల్ల అరటిపండు నెమ్మదిగా శక్తిని విడుదల చేస్తుంది. దీనివల్ల ఆకలి వేయకుండా ఎక్కువసేపు ఉన్నతంగా ఉంటారు. అధిక బరువును నియంత్రించాలనుకునేవారికి ఇది మంచి ప్రారంభ ఆహారం.
కొవ్వులేని ఆహారంగా ఈ పండు
అరటిపండు సహజంగా కొవ్వులేని ఆహారం. ఇది ఫిల్లింగ్ స్నాక్ గా ఉండటంతో పాటు గుండె ఆరోగ్యానికి మేలు చేస్తుంది. కొవ్వుల సమస్యలేని ఆరోగ్యకరమైన అల్పాహారంగా ఇది ఉపయోగపడుతుంది.
కండరాల పనితీరుకు పొటాషియం
ఉదయాన్నే వ్యాయామం చేసే వారికీ అరటిపండు మేలు చేస్తుంది. ఇది కండరాల క్రమార్జిత పనితీరుకు అవసరమైన పొటాషియాన్ని అందిస్తుంది. ఎలక్ట్రోలైట్ లోపం వంటి సమస్యలను తగ్గిస్తుంది.
కడుపులో pH స్థాయిని సమతుల్యంగా ఉంచుతుంది
అరటిపండులో సహజ యాంటాసిడ్ లక్షణాలు ఉన్నాయి. ఇవి గ్యాస్ వంటి సమస్యలను తగ్గించడంలో సహాయపడతాయి.
మెదడు పనితీరును మెరుగుపరుస్తుంది
ట్రిప్టోఫాన్ (Tryptophan) అనే అమినో ఆమ్లం అరటిపండులో ఉంటుంది. ఇది శరీరంలో సిరోటోనిన్ (serotonin) తయారీలో సహాయపడుతుంది. సంతోషకరమైన మూడ్, మంచి ఏకగ్రతతో, మెరుగ్గా ఉండటానికి ఇది సహాయపడుతుంది.
మూత్రపిండాల ఆరోగ్యానికి మేలు చేస్తుంది
అరటిపండులోని పొటాషియం రక్తపోటును నియంత్రించి, మూత్రపిండాలపై ఒత్తిడిని తగ్గిస్తుంది. ప్రతిరోజు అరటిపండు తినడం మూత్రపిండాల ఆరోగ్యాన్ని కాపాడటానికి మేలు చేస్తుందని పండితులు చెబుతున్నారు. అందుకే, ఉదయాన్నే ఒక అరటిపండును తినడం ద్వారా శరీరానికి అవసరమైన పోషకాలను అందించుకోవచ్చు, ఆరోగ్యాన్ని మెరుగుపరచుకోవచ్చు.