Shatavari Plant: చూస్తే పిచ్చి మొక్క అనుకునేరు.. మీకు 100 ఏళ్లు ఆయుష్షునిచ్చే బ్రహ్మాస్త్రం

మన చుట్టూ ఉన్న ప్రకృతిలో అనేక ఔషధ గుణాలు కలిగిన మొక్కలు ఉన్నాయి. వాటిలో శతావరి ఒకటి. ఇది చూసేందుకు అలంకరణ మొక్కలా కనిపించినా, దాని ప్రయోజనాలు అపారమైనవి. శతావరి మొక్క సాధారణంగా పంట చేలల్లో, గ్రామీణ ప్రాంతాల్లో ఎక్కువగా కనిపిస్తుంది. దీనిని కొన్ని ప్రాంతాల్లో పిల్లి పీచర గడ్డలు, పిల్లి తీగలు, చందమామ గడ్డలు వంటి స్థానిక పేర్లతో పిలుస్తారు. దీని శాస్త్రీయ నామం యాస్పర్​గస్​ రెసిమోసిస్​. ఇది తీగ జాతికి చెందిన ముళ్ల మొక్క, ఇది పంట చేలకు రక్షణగా కూడా నిలుస్తుంది.

ఆయుర్వేదం ప్రకారం, శతావరి మొక్కతో అనేక ఆరోగ్య ప్రయోజనాలు కలుగుతాయి. ఇది పలు వ్యాధులకు ఔషధంగా ఉపయోగిస్తారు. అనేక ఆయుర్వేద ఔషధాల తయారీలోనూ దీనిని వాడుతారు. శతావరి బంగాళాదుంపలు, ముల్లంగి, క్యారెట్ లానే భూగర్భంలో దుంపలను కలిగి ఉంటుంది. ఈ దుంపలు తీపి, చేదు రుచిని కలిగి ఉంటాయి. ఈ దుంపల్లో స్టెరాయిడల్ గ్లైకోసైడ్, పాలీసైక్లిక్ ఆల్కలాయిడ్, అస్పర్గమైన్, డైహైడ్రోఫెనామ్, త్రీన్ రెసిమోసోల్ వంటి రసాయనాలు ఉంటాయి. ఈ రసాయన సంపద కారణంగానే శతావరి అనేక వ్యాధులను తగ్గించడంలో తోడ్పడుతుంది.

శతావరితో కలిగే ప్రధాన ఆరోగ్య ప్రయోజనాలు:

1. జీర్ణ సమస్యల నివారణ: ఒక టీ స్పూన్ శతావరి చూర్ణాన్ని ఒక చిన్న టీ గ్లాస్ నీటిలో కలిపి రోజూ తాగడం వల్ల జీర్ణ వ్యవస్థలోని అల్సర్లు తగ్గుతాయి. అలాగే గ్యాస్ సమస్య ఉండదు. దీర్ఘకాలిక జీర్ణ సమస్యలు ఉన్నవారికి ఇది ఎంతో ప్రయోజనకారి. ఇది జీర్ణ శక్తిని కూడా పెంచుతుంది, ఆకలి లేని వారికి ఉపయుక్తంగా ఉంటుంది.

2. కీళ్ల నొప్పులు, నరాల బలహీనత: శతావరి చెట్టు వేరును సేకరించి, గంధం లాగా అరగదీసి కీళ్ల నొప్పులు, నరాల బలహీనత ఉన్న ప్రదేశాల్లో లేపనంగా రాయడం వల్ల ఉపశమనం లభిస్తుంది. అంతేకాకుండా, ఆ భాగాలు దృఢంగా మారతాయి.

3. కిడ్నీ, మూత్ర సంబంధిత సమస్యలు: కిడ్నీ వ్యాధులు ఉన్నవారు శతావరి చూర్ణాన్ని రాత్రి నిద్రకు ముందు కాస్త కండ చక్కెరతో కలిపి తీసుకోవడం వల్ల మూత్ర సంబంధిత సమస్యలు తగ్గుతాయి.

4. కంటి చూపు మెరుగుదల: కిడ్నీ సమస్యలకు తీసుకునే విధంగానే శతావరి చూర్ణాన్ని కండ చక్కెరతో కలిపి తీసుకోవడం వల్ల కంటి వ్యాధులు తగ్గి, ముఖ్యంగా కంటి చూపు మెరుగుపడుతుంది.

5. పోషకాహార లోపం: శతావరి దుంపల్లో అనేక పోషకాలు ఉంటాయి. పోషకాహార లోపం ఉన్నవారు ఈ దుంపలను తినవచ్చు. ఈ దుంపలను ఎండబెట్టి, దంచి, జల్లించి చూర్ణం తయారు చేసి, ఒక టీ స్పూన్ మోతాదులో తిని, తర్వాత ఒక గ్లాస్ పాలను తాగడం వల్ల శరీరం పుష్టిగా, దృఢంగా మారి, బలహీనతలు తొలగిపోతాయి.

6. స్త్రీల ఆరోగ్యానికి: స్త్రీలకు సంబంధించిన ఋతు సమస్యలు, గర్భాశయ సమస్యలు ఉన్నవారు శతావరి చూర్ణాన్ని ప్రతి రోజు ఏదో ఒక విధంగా తీసుకోవడం వల్ల మేలు జరుగుతుంది.

7. మానసిక ప్రశాంతత, నిద్ర: రాత్రి పూట శతావరి చూర్ణాన్ని తీసుకోవడం వల్ల మానసిక ఒత్తిడి, ఆందోళన తగ్గుతాయి. దీనితో మనస్సు ప్రశాంతంగా మారి, నిద్ర చక్కగా పడుతుంది, నిద్రలేమి నుంచి బయట పడవచ్చు.

8. శతావరి చూర్ణం, గుళికలు లేదా ట్యాబ్లెట్స్, లేహ్యం వంటి వివిధ రూపాల్లో లభిస్తుంది. వీటిని వైద్యుల సలహా మేరకు వాడుకుంటే మంచి ఫలితాలను పొందవచ్చు. శతావరి మనకు అనేక ప్రయోజనాలను అందిస్తుంది కాబట్టి దాని ప్రాముఖ్యతను గుర్తుంచుకోవాలి.

ఇది చదవండి: అలాంటోడు జట్టులో ఒక్కడుంటే చాలు.. ఎన్ని ప్రపంచకప్‌లైనా గెలవచ్చు..