Zee Telugu: నూతన ఏడాది వేదికగా.. జీ తెలుగు కొత్త షోలు… నాన్ స్టాప్ ఎంటర్టైన్మెంట్ పక్కా…

ప్రముఖ జీ తెలుగు చానెల్ అభిమానులను అలరించేందుకు సరికొత్తగా సిద్ధమవుతోంది. కొత్త సంవత్సరాన్ని నూతన షోలతో ప్రారంభించనుంది. 2021 ఏడాదిని పార్టీకి వేళాయెరా (న్యూ ఇయర్ ఇవెంట్), బిగ్ సెలబ్రెటీ ఛాలెంజ్ సీజన్ 5 షోతో మొదలెట్టనుంది.

డిసెంబర్ 27నే మొదలు…

జీ తెలుగు కొత్త ఏడాది సెలబ్రేషన్స్‌ను ముందుగానే ప్రారంభించనుంది. డిసెంబర్ 27నే న్యూ ఇయర్ ఇవెంట్ పార్టీకి వేళాయెరా షోను ప్రసారం చేయనుంది. జీ తెలుగు చానెల్‌లో నటించే నటీనటులు కలిసి ఈ వేడుకలో కనిపించనున్నారు. 2020కి వైరటీగా గుడ్ బై చెప్పనున్నారు. టీవీ చరిత్రలోనే అతిపెద్ద కేకును కట్ చేసి ఈ ఏడాదికి వీడ్కోలు పలుకనున్నారు. డిసెంబర్ 27 సాయంత్రం 6 గంటలకు ఈ షోను టెలికాస్ట్ చేయనున్నారు.

బిగ్ సెలబ్రిటీ ఛాలెంజ్….

డిసెంబర్ 27 రాత్రి 9 గంటలకు జీ తెలుగులో బిగ్ సెలబ్రిటీ ఛాలెంజ్ షోను ప్రసారం చేయనున్నారు. ఈ చానెల్‌లో గతంలో బిగ్ సెలబ్రిటీ ఛాలెంజ్ 4 సీజన్లు పూర్తి చేసుకుంది. త్వరలో 5 సీజన్ ప్రారంభం కాబోతోంది. అయితే ఈ షోను యాంకర్ రవి, సుమ కనకాల హోస్ట్ చేయనున్నారు. కాగా, ఫస్ట్ ఎపిసోడ్‌కు ముఖ్య అతిథులుగా బిగ్‌బాస్ తెలుగు సీజన్ 2, 3 విజేతలు కౌశల్, రాహుల్ హాజరయ్యారు.