నా ఫస్ట్ సినిమాకు.. ఇలాంటి హీరో దొరికాడేంటని చాలా ఫీల్ అయ్యా..

నా ఫస్ట్ సినిమాకు పెద్ద పెద్ద హీరోలతో చేయాలనుకున్నా.. కానీ ఇలాంటి హీరో దొరికాడేంటని అనుకున్నానని డైరెక్టర్ రాజమౌళి సెన్సేషనల్ కామెంట్స్ చేశారు. నిజానికి తారక్‌, రాజమౌళిలు ఎంతో ఫెండ్లీగా ఉంటారు. దాదాపు మూడు సినిమాలు వీరిద్దరూ కలిసి పని చేశారు. ఇప్పుడు మళ్లీ ఆర్ఆర్‌ఆర్‌లో కలిసి వర్క్ చేస్తున్నారు. తాజాగా టీవీ-9కి ఇచ్చిన స్పెషల్ ఇంటర్వ్యూలో ఎన్టీఆర్‌ గురించి చెప్పుకొచ్చారు ఆయన.

తారక్‌తో మొదటి సినిమా స్టూడెంట్ నెంబర్-1 ఫిల్మ్ చేసేటప్పుడు.. అప్పుడు అతనికి 19 సంవత్సరాలు ఉండేవి. సరిగ్గా మీసాలు కూడా లేవు. అంతేకాకుండా.. చాలా లావుగా ఉండేవాడు. హెయిర్ స్టైలింగ్, పర్సనల్ మెయిన్‌టైనింగ్ కూడా లేదు. నాకేంటి మొదటి సినిమాకి ఇలాంటి హీరో దొరికాడని ఫీల్ అయ్యాను. కానీ నాది మొదటి సినిమానే కావడంతో.. నేను వర్క్ స్టార్ట్ చేశాను. సడన్‌గా మధ్యలో ఇంటెర్వెల్ సీన్స్‌లో ఎన్టీఆర్ డైలాగ్స్ చెబుతున్నప్పుడు అనుకున్నా.. ఇతను పెద్ద సూపర్ స్టార్ అవుతాడని. అతని లోపల ఏదో సమ్‌థింగ్ స్పెషల్ ఉందనుకున్నా. తన లుక్స్‌ని దాటి జనాల్ని డైలాగ్స్‌తో విపరీతంగా అట్రాక్ట్ చేసే టాలెంట్ ఇతనిలో ఉంది. నేను ఇప్పటివరకూ ఒక తప్పు కన్నుతో చూశానని నాకు అనిపించింది. ఈ విషయాన్ని నేను ఎప్పటికీ గుర్తు పెట్టుకుంటానని తెలిపారు రాజమౌళి.

Read More: 

యాంటీబాడీస్‌పై డబ్ల్యూహెచ్‌వో షాకింగ్ ప్రకటన.. ఆ ఆశలపై నీళ్లు..