Liger Movie: ‘లైగర్’ సినిమా నుంచి ఇంట్రెస్టింగ్ అప్డేట్.. థ్రిల్లింగ్ ట్విస్టులతో విజయ్ మూవీ క్లైమాక్స్ ?
Liger Movie Update: విజయ్ దేవరకొండ ప్రధాన పాత్రలో మాస్ డైరెక్టర్ పూరీ జగన్నాథ్ తెరకెక్కిస్తున్న చిత్రం సినిమా 'లైగర్'.
Liger Movie Update: విజయ్ దేవరకొండ ప్రధాన పాత్రలో మాస్ డైరెక్టర్ పూరీ జగన్నాథ్ తెరకెక్కిస్తున్న చిత్రం సినిమా ‘లైగర్’. విజయ్ కి తెలుగుతో పాటు హిందీ లోనూ మంచి పాపులారిటీ ఉండడంతో ఈ సినిమాను ప్రముఖ నిర్మాత కామ్ డిస్ట్రబ్యూటర్ కరణ్ జోహార్ హిందీ లో రిలీజ్ చేయబోతున్నాడు. ఈ సినిమా తో బాలీవుడ్ బ్యూటీ అనన్య పాండే తెలుగు తెరకు పరిచయం కాబోతుంది. ఈ సినిమా కోసం విజయ్ దేవరకొండ తన లుక్ ని పూర్తిగా మార్చేశాడు. ఇప్పటికే విడుదలైన విజయ్ లుక్ కు సూపర్ రెస్పాన్స్ వచ్చింది. ఇక విజయ్ లుక్ చూసి.. ఈ మూవీ పై అంచనాలు మరింతగా పెంచుకున్నారు అభిమానులు. అయితే ఈ సినిమా ఆరంభం నుంచి ఎన్నో రకాల గాసిప్స్ ఫిల్మ్ ఇండస్ట్రీలో చక్కర్లు కొడుతున్న సంగతి తెలిసిందే.
తాజాగా ఈ మూవీ క్లైమాక్స్ పై ఆసక్తికర వార్త ఒకటి సోషల్ మీడియాలో చక్కర్లు కొడుతోంది. లైగర్ మూవీ మొత్తానికి క్లైమాక్స్ సీన్ హైలెట్గా నిలువనున్నట్లుగా టాక్ వినిపిస్తోంది. అయితే ఇందులోని క్లైమాక్స్ దాదాపు పదిహేను నిమిషాలు ఉంటుందట. వెరీ ఎమోషనల్ గా సాగే క్లైమాక్స్ యాక్షన్ తో పాటు ట్విస్ట్ లతో ఆడియన్స్ ను థ్రిల్ చేస్తోందట. ఈ సినిమాలో కీలకమైన యాక్షన్ సీన్ లో రియల్ ఇంటర్ నేషనల్ బాక్సర్ నటించబోతున్నట్లుగా సమాచారం. ఈ సినిమాను సెప్టెంబర్ 9న దేశవ్యాప్తంగా గ్రాండ్ గా రిలీజ్ చేయనున్నారు. ధర్మ ప్రొడక్షన్స్, పూరి కనెక్ట్స్ బ్యానర్లపై కరణ్ జోహార్, పూరీ జగన్నాథ్, ఛార్మి సంయుక్తంగా నిర్మిస్తున్నారు.
Bimbisara Movie: కళ్యాణ్ రామ్ సినిమాలో భాగం కానున్న ఎన్టీఆర్.. ‘బింబిసార’ కోసం యంగ్ టైగర్ వాయిస్ ?
