Naveen Polishetty: అప్ కమింగ్ ప్రాజెక్ట్స్ గురించి వెరైటీ వీడియో షేర్ చేసిన జాతిరత్నం నవీన్ పోలిశెట్టి
పాండమిక్ క్రూషియల్ టైమ్ లో జాతిరత్నాలు వంటి సూపర్ హిట్ ను ఇండస్ట్రీకి అందించి మంచి సినిమా చేస్తే ప్రతికూల పరిస్థితుల్లోనూ థియేటర్స్ కు ప్రేక్షకులు వస్తారని నిరూపించారు నవీన్ పోలిశెట్టి
Updated on: Dec 31, 2022 | 8:05 PM
హీరోగా ఎంట్రీ ఇవ్వకముందు క్యారెక్టర్ ఆర్టిస్ట్ గా కెరీర్ ప్రారంభించిన నవీన్ పోలిశెట్టి ఇప్పుడు హీరోగా రాణిస్తున్నాడు. పాండమిక్ క్రూషియల్ టైమ్ లో జాతిరత్నాలు వంటి సూపర్ హిట్ ను ఇండస్ట్రీకి అందించి మంచి సినిమా చేస్తే ప్రతికూల పరిస్థితుల్లోనూ థియేటర్స్ కు ప్రేక్షకులు వస్తారని నిరూపించారు నవీన్ పోలిశెట్టి. స్లో అండ్ స్టడీగా కొత్త సినిమాలు సెలెక్ట్ చేసుకుంటున్న ఈ యంగ్ టాలెంటెడ్ హీరో.. ఈ ఏడాది పలు క్రేజీ ప్రాజెక్ట్స్ తో తెరపైకి రాబోతున్నాడు. కొత్త సంవత్సరం సందర్భంగా తన అప్ కమింగ్ ప్రాజెక్ట్స్ పై నవీన్ పోలిశెట్టి అభిమానులతో ఛాట్ చేశారు.
ఈ ఫన్ ఛాటింగ్ వీడియోను ఆయన సోషల్ మీడియా ద్వారా షేర్ చేశారు. ఇందులో అభిమానులు తన కొత్త సినిమాల సంగతులు చెప్పమని అడగగా..వారిని సంతోషపెట్టే ఆన్సర్స్ చెప్పారు నవీన్. ఈ వీడియో చాలా ఫన్నీగా ఉంది.
2022లో తనకున్న సినిమాల షూటింగ్స్ పూర్తి చేసుకున్న నవీన్ పోలిశెట్టి ఈ కొత్త ఏడాదిలో వరుస రిలీజ్ లతో తెరపై సందడి చేయబోతున్నారు. ఆయన ఖాతాలో యూవీ క్రియేషన్స్ నిర్మాణంలో అనుష్కతో కలిసి నటిస్తున్న సినిమాతో పాటు సితార ఎంటర్ టైన్ మెంట్స్ సంస్థలో అనగనగా ఒక రాజు వంటి ఆసక్తికర చిత్రాలున్నాయి.
