Karthikeya 2: సముద్రం దాచుకున్న అతిపెద్ద ప్రపంచ రహస్యం.. ఆకట్టుకుంటున్న కార్తికేయ2 మోషన్ పోస్టర్
యంగ్ అండ్ టాలెంటెడ్ హీరో నిఖిల్ నటిస్తున్న లేటెస్ట్ మూవీ కార్తికేయ 2. చందు మొండేటి దర్శకత్వం వహిస్తున్న ఈ సినిమా త్వరలోనే ప్రేక్షకుల ముందుకు రానుంది
యంగ్ అండ్ టాలెంటెడ్ హీరో నిఖిల్(Nikhil Siddharth)నటిస్తున్న లేటెస్ట్ మూవీ కార్తికేయ 2(Karthikeya 2). చందు మొండేటి దర్శకత్వం వహిస్తున్న ఈ సినిమా త్వరలోనే ప్రేక్షకుల ముందుకు రానుంది. గతంలో ఈ ఇద్దరి కాంబినేషన్ లో కార్తికేయ సినిమా వచ్చింది. డిఫరెంట్ కనెప్ట్ తో తెరకెక్కిన ఈ సినిమా ప్రేక్షకులను ఆకట్టుకుంది. ఇప్పుడు మరోసారి అదే తరహా కథతో చందు మొండేటి సీక్వెల్ ను తెరకెక్కిస్తున్నాడు. ఈ సినిమాలో నిఖిల్ కు జోడీగా అనుపమ పరమేశ్వరన్ నటిస్తుంది. ఇప్పటికే ఈ సినిమానుంచి విడుదలైన కాన్సెప్ట్ పోస్టర్లు ప్రేక్షకులను ఆకట్టుకున్నాయి. తాజాగా నేడు నిఖిల్ పుట్టిన రోజు సందర్భంగా ఈ సినిమానుంచి మోషన్ పోస్టర్ ను రిలీజ్ చేశారు.
ఈ వీడియోలో సముద్రంలో ఓ పడవ పై నిఖిల్, అనుపమ, శ్రీనివాస్ రెడ్డి కనిపిస్తున్నారు. సముద్రం దాచుకున్న అతి పెద్ద ప్రపంచ రహాసం ఈ ద్వారకా నగరం అంటూ నిఖిల్ చెప్పే డైలాగ్ ఆకట్టుకుంది. ఇక నిఖిల్ కెరీర్ లో కార్తికేయ సినిమా మంచి విజయాన్ని అందుకొని అతడికి సినీ జర్నీలో మైల్ స్టోన్ గా నిలిచింది. ఎనిమిదేళ్ల క్రితం తెరకెక్కిన ఈ సినిమాకు ఇప్పుడు సీక్వెల్ ను తెరకెక్కిస్తున్నారు. నిఖిల్ కెరీర్ లోనే అత్యధిక బడ్జెట్ తో నిర్మిస్తున్న మూవీ ‘కార్తికేయ 2. థ్రిల్లింగ్ మిస్టరీ కాన్సెప్ట్ తో తెరకెక్కుతున్న ఈ సినిమాను పీపుల్ మీడియా ఫ్యాక్టరీ – అభిషేక్ అగర్వాల్ ఆర్ట్స్ బ్యానర్స్ పై టీజీ విశ్వప్రసాద్ – అభిషేక్ అగర్వాల్ – వివేక్ కూచిభోట్ల సంయుక్తంగా భారీ బడ్జెట్ తో ఈ చిత్రాన్ని నిర్మిస్తున్నారు.
