Chiranjeevi: మెగాస్టార్‌ రాకతో చిన్నప్పటి నా మాటలు నిజమయ్యాయి.. కార్తికేయ ఇంట్రెస్టింగ్‌ పోస్ట్‌..

బ్యాచిలర్‌ లైఫ్‌కు వీడ్కోలు చెబుతూ ఇటీవలే వైవాహిక బంధంలోకి అడుగుపెట్టాడు యంగ్‌ హీరో ‘ఆర్‌ ఎక్స్‌ 100′ ఫేం కార్తికేయ. హైదరాబాద్‌లోని ఓ కల్యాణమండపం వేదికగా తన ప్రియురాలు లోహిత మెడలో మూడు ముళ్లు వేశాడు. సినీ పరిశ్రమకు చెందిన పలువురు ప్రముఖులు ఈ వేడుకకు హాజరై నూతన వధూవరులను ఆశీర్వదించారు. ఇక మెగాస్టార్‌ చిరంజీవి స్వయంగా పెళ్లికి హాజరై కార్తికేయ- లోహిత దంపతులను ఆశీర్వదించి శుభాకాంక్షలు తెలిపారు. ఈ ఫొటోలు సోషల్‌ మీడియాలో వైరల్‌గా మారాయి. తాజాగా ఇవే ఫొటోలను మరోసారి ట్విట్టర్‌లో షేర్‌ చేసిన కార్తికేయ ఓ ఆసక్తికర పోస్టును షేర్‌ చేశాడు

ఈ సందర్భంగా పెళ్లి వేడుకలో చిరంజీవితో కలిసి దిగిన ఫొటోలను పంచుకుంటూ.. ‘నేను పెద్దయ్యాక హీరో అవుతాను. అప్పుడు చిరంజీవి కూడా నా వివాహానికి వస్తాడు. నేను చిన్నప్పుడు అమాయకంగా ఈ మాటలను అనేవాడిని. ఇప్పుడు నా వివాహ వేడుకకు వచ్చి నా మాటలను నిజం చేసిన చిరంజీవికి ధన్యవాదాలు. ఆయనపై ఎప్పటికీ అంతులేని ప్రేమాభిమానాలు ఉంటాయి’ అని రాసుకొచ్చాడు. ఈ పోస్ట్‌ ప్రస్తుతం సోషల్‌ మీడియాలో వైరల్‌గా మారింది. పలువురు ప్రముఖులు, నెటిజన్లు లైకుల వర్షం కురిపిస్తున్నారు.

“Nen pedhayaka hero avtha appudu Chiranjeevi kuda na pelli ki vasthadu”

I said this as a an innocent kid. Thankful to fate I am an actor now and my MEGASTAR @KChiruTweets garu was there to bless me. Your presence means alot to me sir? Love you to the infinity as always ❤ pic.twitter.com/nlxzqbCeGV

— Kartikeya (@ActorKartikeya) November 23, 2021

Also Read:

Aadi Saikumar: నయా మూవీ మొదలు పెట్టిన యంగ్ హీరో.. రెగ్యులర్ షూటింగ్‌లో ఆది సాయికుమార్ క్రైమ్ మిస్టరీ థ్రిల్లర్

Keerthy Suresh : చీరకట్టు.. చిరునవ్వు.. కుర్రాళ్ళ గుండెల్లో బాణాలు గుచ్చుతున్న ముద్దుగుమ్మ..

Akhanda: బాలయ్య యాక్షన్‌కు థియేటర్స్ దద్దరిలాల్ల్సిందే.. అఖండలో నటసింహం విశ్వరూపం చూపించనున్నారట..