Thalapathy vijay: నాగ చైతన్య డైరెక్టర్ తో దళపతి విజయ్ సినిమా.? లియో తర్వాత ఆ మూవీనేనా..?
విజయ్ సినిమాలు వందకోట్ల మార్క్ ను దాటడం పెద్ద కష్టమేమి కాదు. సినిమా రిజల్ట్ ఎలా ఉన్న ఆ సినిమాలు అవలీలగా వంద కోట్లకు పైగా వసూళ్లను రాబడుతూ ఉంటాయి. ఇటీవలే టాలివుడ్ డైరెక్టర్ వంశీ పైడిపల్లితో కలిసి వారసుడు అనే సినిమా చేశారు విజయ్.
దళపతి విజయ్ కు తమిళ్ లోనే కాదు తెలుగులోనూ విపరీతమైన ఫ్యాన్ ఫాలోయింగ్ ఉంది. ఆయన సినిమా వస్తుందంటే మనదగ్గర కూడా కాస్త పండగ వాతావరణం కనిపిస్తోంది. విజయ్ సినిమాలు వందకోట్ల మార్క్ ను దాటడం పెద్ద కష్టమేమి కాదు. సినిమా రిజల్ట్ ఎలా ఉన్న ఆ సినిమాలు అవలీలగా వంద కోట్లకు పైగా వసూళ్లను రాబడుతూ ఉంటాయి. ఇటీవలే టాలివుడ్ డైరెక్టర్ వంశీ పైడిపల్లితో కలిసి వారసుడు అనే సినిమా చేశారు విజయ్. ఈ సినిమా తమిళ్ లో మంచి విజయాన్ని సొంతం చేసుకుంది. అలాగే తెలుగులోనూ పర్లేదు అనిపించుకుంది. ప్రస్తుతం విజయ్ లోకేష్ కానగరాజ్ దర్శకత్వంలో లియో సినిమా చేస్తున్నాడు. ఈ సినిమా షూటింగ్ శరవేగంగా జరుగుతోంది. లోకేష్ కానగరాజ్ ఈ సినిమాకు దర్శకత్వం వహిస్తున్నారు.
ఇప్పటికే ఈ సినిమా నుంచి విడుదలైన గ్లిమ్ప్స్ సినిమా పై అంచనాలను భారీగా పెంచేశాయి. బ్లడీ స్వీట్ అంటూ సింగిల్ డైలాగ్ తో ఈ గ్లిమ్ప్స్ సినిమా పై అభిమానులు, ప్రేక్షకుల్లో ఆసక్తి పెంచేసింది. ఇక ఈ సినిమాలో త్రిష హీరోయిన్ గా నటిస్తోంది. చాలా కాలం తర్వాత విజయ్, త్రిష కాంబినేషన్ లో సినిమా వస్తుంది.
ప్రస్తుతం ఈ మూవీ షూటింగ్ కాశ్మీర్ పరిసర ప్రాంతాల్లో జరుగుతోంది. ఇదిలా ఉంటే విజయ్ లియో సినిమా తర్వాత ఎవరితో సినిమా చేయనున్నాడన్నదని పై ఫ్యాన్స్ లో ఆసక్తి నెలకొంది. ఈ క్రమంలోనే ఇటీవల నాగచైతన్య తో కస్టడీ సినిమా చేసిన వెంకట్ ప్రభు తో సినిమా చేయనున్నాడని టాక్ వినిపిస్తోంది. కస్టడీ సినిమా ఇటీవల విడుదలై మంచి టాక్ ను సొంతం చేసుకుంది. మరి విజయ్ వెంకట్ ప్రభు కాంబినేషన్లో సినిమా పై త్వరలోనే క్లారిటీ వచ్చే ఛాన్స్ ఉంది.