Vijay Sethupathi: మరో తెలుగు సినిమాలో నటించనున్న మక్కల్ సెల్వన్.. యంగ్ హీరో సినిమాలో కీలక పాత్రలో సేతుపతి..

Vijay Sethupathi: తమిళ్ నటుడు విజయ్ సేతుపతి క్రేజ్ రోజు రోజుకు పెరిగిపోతోంది. ఇప్పటికే తెలుగు తమిళ్ భాషల్లో నటించి ఆకట్టుకున్న విజయ్ సేతుపతి త్వరలో బాలీవుడ్‌‌‌‌‌లోనూ సత్తా చాటనున్నారు. ఓ వైపు స్టార్ హీరోగా..మరో వైపు విలన్‌‌‌‌గా మెప్పిస్తూ దూసుకుపోతున్నాడు మక్కల్ సెల్వన్ విజయ్ సేతుపతి. ఈ క్రమంలో సేతుపతి నటించిన పలు సినిమాలు తెలుగులోకి డబ్ అయి మంచి ఆదరణను సొంతం చేసుకొంటున్నాయి. అలాగే మెగాస్టార్ చిరంజీవి నటించిన సైరా నరసింహారెడ్డి సినిమాలో చిన్న పాత్రలో కనిపించి ఆకట్టుకున్న విజయ్ సేతుపతి. ఆ తర్వాత ఉప్పెన సినిమాలో నెగిటివ్ షేడ్స్ ఉన్నపాత్రలో కనిపించి మెప్పించారు. హీరోయిన్ తండ్రిగా అయన నటన ప్రేక్షకులను ఆకట్టుకుంది. ఈ క్రమంలో మరో తెలుగు సినిమాలో ఆయన నటిస్తున్నట్టు తెలుస్తోంది. యంగ్ హీరో సందీప్ కిషన్ హీరోగా తెరకెక్కుతోన్న సినిమాలో విజయ్ సేతుపతి కీలక పాత్రలో కనిపించనున్నాడని వార్తలు వినిపిస్తోన్నాయి. రాజ్ అండ్ డీకే సమర్పకులుగా వ్యవహరిస్తున్న ఈ సినిమాను, రంజిత్ నిర్మిస్తున్నారు. భరత్ చౌదరి ఈ సినిమా ద్వారా దర్శకుడిగా పరిచయమవుతున్నాడు.

ఈ సినిమాలో కీలక పాత్ర కోసం విజయ్ సేతుపతిని  సంప్రదించారట చిత్రయూనిట్. కథ నచ్చడంతో సినిమా చేయడానికి విజయ్ సేతుపతి గ్రీన్ సిగ్నల్ ఇచ్చాడని తెలుస్తోంది. అయితే ఈ సినిమాలో విలన్ పాత్రలో సేతుపతి కనిపించే అవకాశాలు ఉన్నాయని టాక్. ఇటీవల వచ్చిన దళపతి విజయ్ మాస్టర్ సినిమాలో విలన్‌‌‌‌గా నటించి భయపెట్టాడు సేతుపతి. అలాంటి పాత్రనే ఇప్పుడు సందీప్ కిషన్ సినిమాలో పోషించనున్నాడట మక్కల్ సెల్వన్. త్వరలోనే ఈ సినిమాకు సంబంధించిన వివరాలు వెల్లడించనున్నారు.

మరిన్ని ఇక్కడ చదవండి :

Nabha Natesh: లక్కీ ఛాన్స్ కొట్టేసిన ఇస్మార్ట్ బ్యూటీ.. బాలీవుడ్ బడా హీరో సరసన నభానటేష్..

Venu Aravind: టీవీ సీనియర్ యాక్టర్ వేణు అరవింద్ ఆరోగ్య పరిస్థితి విషమం అంటూ వార్తలు.. స్పందించిన రాధిక

Shilpa Shetty: మా ప్రతిష్టకు భంగం కలిగిస్తున్నారు.. వాటిని నిరోధించండి.. ముంబై హైకోర్టులో శిల్పాశెట్టి పిటిషన్