ఆ సినిమా కథ నాకు సెట్ కాదు.. అందుకే చేయలేదు.. సూపర్ హిట్ మూవీ మిస్ చేసుకోవడం పై విజయ్ దేవరకొండ

టాలీవుడ్ యంగ్ హీరో విజయ్ దేవరకొండ ప్రస్తుతం వరుస సినిమాలను లైనప్ చేసి ఫుల్ బిజీగా ఉన్నాడు. ఈ మధ్యకాలంలో సరైన హిట్ లేక సతమతం అవుతున్న విజయ్ దేవరకొండ.. ఈసారి ఎలాగైనా హిట్ కొట్టాలన్న కసితో ఉన్నాడు. ఈ క్రమంలోనే జెర్సీ సినిమాతో మంచి విజయాన్ని అందుకున్న గౌతమ్‌ తిన్ననూరి డైరెక్షన్ లో సినిమా చేస్తున్నాడు. ఈ సినిమాకు కింగ్ డమ్ అనే ఆసక్తికర టైటిల్ ను ఖరారు చేశారు. ఇక ఈ సినిమాలో విజయ్ డిఫరెంట్ లుక్ లో కనిపించనున్నాడు. అలాగే అందాల భామ భాగ్యశ్రీ బోర్సే ఈ సినిమాలో హీరోయిన్ గా నటిస్తుంది. ఈ సినిమా పై ఇప్పటికే మంచి అంచనాలు క్రియేట్ అయ్యాయి. ఈ మధ్య విడుదలైన పోస్టర్స్, వీడియోలు, సాంగ్ ప్రేక్షకుల్లో ఆసక్తి పెంచాయి.

కాగా ఈ సినిమా ప్రమోషన్స్ లో ఫుల్ బిజీగా ఉన్నాడు విజయ్ దేవరకొండ. తాజాగా ఓ ఇంటర్వ్యూలో పాల్గొన్న ఆయన మాట్లాడుతూ ఆసక్తికర విషయాలు పంచుకున్నాడు. ఒకే ఒక జీవితం సినిమాలో ఎందుకు నటించలేదో కూడా చెప్పాడు విజయ్. ముందుగా ఈ కథ నేనే విన్నాను. కథను మూడు సార్లు విన్నాను.. నేను నటించడంతో పాటు నిర్మించాలని అనుకున్నా.. కానీ ఆ సినిమా కథ నా బాడీ లాంగ్వేజ్ కు సరిపోదేమో అనిపించింది. అందుకే నటించలేకపోయాను అని తెలిపాడు విజయ్ దేవరకొండ.

ఇక ఒకే ఒక జీవితం సినిమాలో శర్వానంద్ హీరోగా నటించిన విషయం తెలిసిందే.. అలాగే ఈ సినిమాలో అక్కినేని అమల కీలక పాత్రలో నటించి మెప్పించారు. దర్శకుడు శ్రీకార్తిక్‌ ఈ సినిమాకు దర్శకత్వం వహించారు. ఇక విజయ్ మాట్లాడుతూ.. కింగ్ డమ్ సినిమాకు అనిరుద్ మ్యూజిక్ అదరగొట్టేశాడు అని అన్నారు. అలాగే కింగ్ డమ్ సినిమాను ఫ్రాంచైజీగా తీసుకురావట్లేదు.. ముందుగా ఒక కథతో వస్తున్నాం సినిమా హిట్ అయితే సీక్వెల్స్ గురించి ఆలోచిద్దాం అని అనుకున్నాం.. అందుకే కింగ్ డమ్ 1 అని టైటిల్ పెట్టలేదు.  గౌతమ్ నాకు రెండు కథలు చెప్పాడు.. వాటిలో కింగ్ డమ్ యాక్షన్ డ్రామా కాబట్టి నాకు బాగా నచ్చింది. ఈ సినిమాలో యాక్షన్ కంటే డ్రామా ఎక్కువ ఉంటుంది అని విజయ్ చెప్పుకొచ్చాడు.

మరిన్ని సినిమా వార్తల కోసం ఇక్కడ క్లిక్ చేయండి.