Family Star: ఫ్యామిలీ స్టార్ ఓటీటీలో మార్పు.. ఎందులో.? ఎన్ని రోజులకు స్ట్రీమింగ్ కానుందంటే.?
విజయ్ దేవర కొండ, మృణాల్ ఠాకూర్ జంటగా నటించిన ఫ్యామిలీ స్టార్ సినిమా భారీ అంచనాల మధ్యన ఏప్రిల్ 5న థియేటర్ రిలీజ్ అయింది. ఈ క్రమంలో అప్పుడే ఈ సినిమా ఓటీటీ ఎంట్రీ గురించి టాక్ నడుస్తోంది. నిన్న మొన్నటి వరకు మీడియా , సోషల్ మీడియాలో ఎక్కడ చూసినా..
విజయ్ దేవరకొండ, మృణాల్ ఠాకూర్ జంటగా దర్శకుడు పరుశురామ్ తెరకెక్కించిన చిత్రం ‘ఫ్యామిలీ స్టార్’. శ్రీ వెంకటేశ్వర క్రియేషన్స్ బ్యానర్‌పై నిర్మాత దిల్ రాజు ఈ చిత్రాన్ని నిర్మించారు. ఏప్రిల్ 5న ప్రపంచవ్యాప్తంగా థియేటర్లలోకి వచ్చిన ఈ మూవీ తొలి ఆట నుంచే పాజిటివ్ టాక్ తెచ్చుకుంది. ఇలా థియేటర్లలో రిలీజ్ అయిందో.. లేదో.. అప్పుడే ఈ చిత్రం ఓటీటీపై నెట్టింట పెద్ద చర్చే జరుగుతోంది. ఏ ఓటీటీలో వస్తుంది.? ఎక్కడ చూడొచ్చు.? ఎన్ని రోజుల తర్వాత స్ట్రీమింగ్‌కు అందుబాటులో ఉంటుంది.? అనే ఒకటే ప్రశ్నలు.
ఇదిలా ఉండగా.. మొదట్లో ఈ సినిమా డిజిటల్ రైట్స్.. రూ. 16 కోట్లకు ప్రముఖ ఓటీటీ సంస్థ నెట్‌ఫ్లిక్స్ సొంతం చేసుకుందని టాక్ నడిచింది. అయితే ఇప్పుడు ఈ సినిమా ఓటీటీ పార్ట్‌నర్ మారింది. అఫీషియల్ ఓటీటీ పార్ట్‌నర్ ఫిక్స్ అయింది. అమెజాన్ ప్రైమ్ వీడియో ఈ చిత్రం ఓటీటీ రైట్స్ సొంతం చేసుకుంది. థియేట్రికల్ రన్ పూర్తైన ఆరు వారాలకు అనగా.. మే రెండు లేదా మూడో వారంలో ఈ సినిమా ఓటీటీలోకి ఎంట్రీ ఇచ్చే అవకాశం ఉన్నట్టు తెలుస్తోంది. నిర్మాత దిల్ రాజు, హీరో విజయ్ దేవరకొండ క్రేజ్‌తో ఈ సినిమా థియేట్రికల్ బిజినెస్ సుమారు రూ. 43 కోట్లకు అయింది. సో ఇంకా మొదటి రోజే కాబట్టి.. లాంగ్ రన్‌లో ఎలాంటి టాక్ తెచ్చుకుంటుంది.? ఎంత కలెక్ట్ చేస్తుందో వేచి చూడాలి.