Tamannaah: స్పీడ్ పెంచిన తమన్నా.. సినిమాలతో పాటు వాటితోనూ బిజీబిజీ
మిల్కీ బ్యూటీ తమన్నా.. టాలీవుడ్ లో స్టార్ హీరోయిన్ గా నటించిన బ్యూటీస్ లో ఈ భామ ఒకరు. అందం అభినయం కలబోసిన ఈ బ్యూటీ తన నటనతో ప్రేక్షకులను ఆకట్టుకుంది.
Updated on: Aug 24, 2022 | 8:44 AM
మిల్కీ బ్యూటీ తమన్నా(Tamannaah).. టాలీవుడ్ లో స్టార్ హీరోయిన్ గా నటించిన బ్యూటీస్ లో ఈ భామ ఒకరు. అందం అభినయం కలబోసిన ఈ బ్యూటీ తన నటనతో ప్రేక్షకులను ఆకట్టుకుంది. ఇక ఈ చిన్నదానికి యూత్ లో మంచి ఫాలోయింగ్ ఉంది. టాలీవుడ్ తో పాటు కోలీవుడ్ లో కూడా దాదాపు అందరు స్టార్ హీరోలతో నటించి మెప్పించింది ఈ బ్యూటీ. అలాగే బాలీవుడ్ లోనూ తన అదృష్టాన్ని పరీక్షించుకుంది తమన్నా. ప్రస్తుతం ఈ భామ జోరు తగ్గిందనే చెప్పాలి. తెలుగులో తమన్నా సీటీమార్ అనే సినిమాలో నటించింది. గోపీచంద్ హీరోగా నటించిన ఈసినిమా బాక్సాఫీస్ దగ్గర బోల్తాకొట్టింది. ప్రస్తుతం గుర్తుందా శీతాకాలం అనే సినిమాలో నటిస్తుంది. ఈ సినిమాలో వర్సటైల్ యాక్టర్ సత్యదేవ్ హీరోగా నటిస్తున్న ఈ సినిమా త్వరలోనే ప్రేక్షకుల ముందుకు రానుంది.
హీరోయిన్ గానే కాదు స్పెషల్ సాంగ్స్ లో కూడా ఆడిపాడింది ఈ చిన్నది. తాజాగా ఈ భామ మళ్లీ బిజీగా మారింది. హీరోయిన్ గా సినిమాలు చేస్తూనే వెబ్ సిరీస్లు కూడా చేస్తోంది. తెలుగులోకాకున్నా ఇతరభాషల్లో మాత్రం ఆఫర్లు గట్టిగానే అందుకుంటుందో తమన్నా. ప్రస్తుతం రెండు వెబ్ సిరీస్ లు చేస్తోంది తమన్నా. అలాగే బాలీవుడ్ లో రెండు సినిమాలు కూడా చేస్తోంది. సూపర్ స్టార్ రజినీకాంత్ జైలర్ సినిమాలో ఈ అమ్మడికి ఆఫర్ వచ్చిందని టాక్. ఇక మెగాస్టార్ చిరంజీవి నటిస్తున్న భోళాశంకర్ సినిమాలో నటిస్తుంది తమన్నా. ఇలా వరుస సినిమాలు, వెబ్ సిరీస్ లతో మళ్లీ బిజీగా మారింది తమన్నా.
