Kubera Movie: కుబేర కోసం సింగర్‌గా మారిన స్టార్ హీరో ధనుష్.. సినిమాకే హైలైట్‌గా
ధనుష్ తెలుగులో నటిస్తున్న చిత్రం కుబేర. శేఖర్ కమ్ముల దర్శకత్వం వహిస్తున్న ఈ చిత్రంలో ఆయన ప్రధాన పాత్రలో నటిస్తున్నారు. ఈ చిత్రానికి ప్రముఖ సంగీత స్వరకర్త దేవి శ్రీ ప్రసాద్ సంగీతం సమకూరుస్తున్నారు. ఈ సినిమాలో రష్మిక మందన్న హీరోయిన్ గా నటిస్తుంది. అలాగే ఈ సినిమాలో నాగార్జున కీలక పాత్రల్లో నటిస్తున్నాడు.
స్టార్ హీరో ధనుష్ ప్రస్తుతం వరుస సినిమాలతో దూసుకుపోతున్నాడు. హిట్లు ఫ్లాప్ లతో సంబంధం లేకుండ వరుసగా సినిమాలు చేస్తూ దూసుకుపోతున్నాడు ఈ స్టార్ హీరో. ధనుష్ చాలా వేగంగా సినిమాలు చేస్తుంటాడు. తెలుగు, తమిళ్, హిందీ బాషలతో పాటు హాలీవుడ్ లోనూ సినిమాలు చేస్తూ దూసుకుపోతున్నాడు. ఇక ప్రస్తుతం తెలుగులో సినిమా చేస్తున్నాడు. సెన్సిబుల్ డైరెక్టర్ శేఖర్ కమ్ముల దర్శకత్వంలో సినిమా చేస్తున్నాడు. ఈ సినిమాకు కుబేర అనే టైటిల్ ను ఖరారు చేశారు. ఈ సినిమా నుంచి విడుదలైన పోస్టర్స్ ప్రేక్షకులను విశేషంగా ఆకట్టుకుంటున్నాయి. కుబేర సినిమాలో రష్మిక మందన్న హీరోయిన్ గా నటిస్తుంది. అలాగే కింగ్ నాగార్జున కీలక పాత్రలో కనిపించనున్నారు.
ఈ సినిమాకు రాక్ స్టార్ దేవి శ్రీ ప్రసాద్ సంగీతం అందిస్తున్నాడు. డీఎస్పీ సంగీతంలో ధనుష్ తొలిసారిగా కుబేర చిత్రంలో ఓ పాట పాడడంతో అభిమానుల్లో అంచనాలు ఏర్పడ్డాయి. నటుడు ధనుష్ దర్శకత్వం వహించి, నటించి, ఈ సంవత్సరం విడుదలైన రాయన్ చిత్రం ప్రజల నుండి మంచి ఆదరణ పొందింది. ఈ సినిమా విజయం తర్వాత ధనుష్ నటిస్తున్న సినిమా కావడంతో కుబేర సినిమా పై భారీ అంచనాలు ఏర్పడ్డాయి.
ఈ సినిమా షూటింగ్ థాయ్‌లాండ్, తిరుపతి, ముంబై, హైదరాబాద్‌లలో శరవేగంగా జరిగింది. ఈ సినిమా షూటింగ్ 80% పూర్తయిందని సమాచారం. ఇటీవలే విడుదలైన ఈ సినిమా ఫస్ట్‌లుక్‌, టీజర్‌కు ప్రేక్షకుల నుంచి విశేష స్పందన లభించింది. తమిళం, తెలుగు, హిందీ భాషల్లో విడుదల చేయనున్నట్టు సమాచారం. ఈ చిత్రంలో నటుడు ధనుష్ ఇప్పటి వరకు ఏ సినిమాలో చేయనటువంటి పూర్తి డిఫరెంట్ లుక్‌లో నటిస్తున్నాడు. నటుడు ధనుష్ ఇప్పటికే తమిళ సినిమాల్లో చాలా పాటలు పాడారు. దీని తర్వాత దేవిశ్రీ కంపోజ్ చేసిన కుబేర సినిమాలో ఓ సూపర్ పాట పాడాడని తెలుస్తుంది. డీఎస్పీ కంపొజిషన్ లో ధనుష్ పాడిన తొలి పాట ఇదే కావడం గమనార్హం. మ్యూజిక్ కంపోజర్ దేవి శ్రీ ప్రసాద్ ధనుష్ నటించిన వెంకై, గుత్తి చిత్రాలకు సంగీతం అందించాడు. ఈ సినిమా తరువాత నటుడు ధనుష్ తన దర్శకత్వంలో ఇట్లీ కాడ్ అనే చిత్రంలో నటిస్తూ దర్శకత్వం వహిస్తున్నాడు. దీని తర్వాత దర్శకుడు రాజ్‌కుమార్ పెరియసామి దర్శకత్వంలో డీ55 అనే సినిమాలో కూడా నటించేందుకు కమిట్ అయ్యాడు ధనుష్.
మరిన్ని సినిమా వార్తల కోసం ఇక్కడ క్లిక్ చేయండి