RRR: ‘ఆర్‌ఆర్‌ఆర్‌’ మూవీ నుంచి అదిరిపోయే డైలాగ్ రివీల్ చేసిన రాజమౌళి.. అదుర్స్ అంతే

టాలీవుడ్ టాప్ హీరోలు ఎన్టీఆర్‌, రామ్‌చరణ్‌ హీరోలుగా దర్శక దిగ్గజం రాజమౌళి  తెరకెక్కిస్తున్న భారీ బడ్జెట్‌ సినిమా ‘ఆర్‌ఆర్‌ఆర్‌’. ఇప్పటికే షూటింగ్ కంప్లీట్ చేసుకున్న ఈ మూవీ.. ప్రస్తుతం నిర్మాణానంతర కార్యక్రమాల్లో ఉంది. సంక్రాంతి కానుకగా వచ్చే ఏడాది జనవరి 7న వరల్డ్ వైడ్ రిలీజ్ కానుంది. ఈ నేపథ్యంలో ప్రమోషన్స్ జోరు పెంచారు జక్కన్న. ఇటీవల విడుదల చేసిన ‘ఆర్ఆర్‌ఆర్‌’ ఫస్ట్‌ గ్లింప్స్‌కు అదిరిపోయే రెస్పాన్స్ వచ్చింది. ఈ క్రమంలో దర్శకుడు రాజమౌళి ‘ఆర్ఆర్ఆర్‌’లోని ఓ డైలాగ్‌ను రివీల్‌ చేశారు. ప్రస్తుతం ఇది సోషల్ మీడియా వేదికగా ట్రెండ్‌ అవుతోంది.

సోమవారం హైదరాబాద్‌లోని ఛాయిస్‌ ఫౌండేషన్‌ ఆధ్వర్యంలో నిర్వహించిన కార్యక్రమంలో క్రికెటర్‌ కపిల్‌దేవ్‌, డైరెక్టర్ రాజమౌళి, డాక్టర్ రవి తంగరాల పాల్గొన్నారు. ఈ సందర్భంగా రాజమౌళి మాట్లాడుతూ.. ప్రొడ్యూసర్ శోభు యార్లగడ్డ ద్వారా ఛాయిస్‌ ఫౌండేషన్‌ సతీశ్‌ పరిచయం అయ్యారని చెప్పారు. పిల్లల్లో కలిగే 90శాతం సమస్యలకు పరిష్కారాలున్నాయని… ఛాయిస్‌ ఫౌండేషన్‌ పిల్లల కోసం ఎన్నో రోజులుగా కష్టపడుతోందని చెప్పారు. పిల్లల కోసం పనిచేస్తున్న ఈ సంస్థ 2 కోట్ల రూపాయల చెక్‌ను మాస్ మ్యుచవల్ ఫండ్ తరపున రవి తంగిరాల అందించారు. ఈ క్రమంలో ‘ఆర్ఆర్ఆర్‌’లోని ఓ డైలాగ్‌ను జక్కన్న చెప్పారు.

Yudhanni vethukkuntu ayudhalu vatanthata ave vastay?? RRR lo dialogue?? ?@tarak9999 @AlwaysRamCharan #RRRMovie #RRRSecondSingle pic.twitter.com/a1gkCSSWBn

— KICK Tollywood ?? (@KickTwood) November 8, 2021

“యుద్ధాన్ని వెతుక్కుంటూ ఆయుధాలు వాటంతట అవే వస్తాయి. అది ధర్మయుద్ధమైతే విజయం తథ్యం” అని రాజమౌళి ‘ఆర్ఆర్ఆర్’లోని డైలాగ్‌‌ను చెప్పుకొచ్చారు. అయితే ఈ డైలాగ్‌ మూవీలో ఎవరు? ఎవరితో అన్నారో తెలియాలంటే ఇంకొన్ని రోజులు ఆగాల్సిందే. కాగా డీవీవీ దానయ్య నిర్మిస్తున్న ఈ సినిమాకు కీరవాణి మ్యూజిక్ అందిస్తున్నారు. ఆలియా భట్‌, అజయ్‌ దేవ్‌గణ్‌, సముద్రఖని, శ్రియ తదితరులు కీలక పాత్రలు పోషిస్తున్నారు.

Also Read: విడాకుల అంశంపై సంచలన పోస్ట్ పెట్టి.. వెంటనే డిలీట్ చేసిన పూనమ్ కౌర్

‘నీలాంటి వ్యక్తి లైఫ్‌లో ఉండటం నా అదృష్టం’… సమంత ఎమోషనల్ పోస్ట్