Mrunal Thakur: సీతారామం సక్సెస్‌ ఎఫెక్ట్‌.. భారీగా రెమ్యూనరేషన్‌ పెంచేసిన సీత.. ఒక్కో సినిమా కోసం ఏకంగా..

Mrunal Thakur Remuneration: మలయాళ స్టార్‌ హీరో దుల్కర్‌ సల్మాన్‌ (Dulquer Salmaan) , బాలీవుడ్‌ బ్యూటీ మృణాల్‌ ఠాకూర్‌ జంటగా నటించిన చిత్రం సీతారామం (Sitaramam). హనురాఘవపూడి దర్శకత్వంలో వచ్చిన ఈ ప్రేమకథా చిత్రం పైసావసూల్‌ సినిమాగా నిలిచింది. ఆగస్ట్‌ 5న ప్రేక్షకుల ముందుకు వచ్చిన ఈ చిత్రం బాక్సాఫీస్‌ వద్ద కలెక్షన్ల వర్షం కురిపించింది. ఇక ఇందులో సీతామహాలక్ష్మి పాత్రలో మృణాల్‌ అభినయం అందరినీ ఆకట్టుకుంది. ఇంతకుముందు టీవీ సీరియల్స్‌, కొన్ని హిందీ సినిమాల్లో నటించిన ఆమెకు ఇదే బిగ్గెస్ట్‌ బ్లాక్‌బస్టర్‌. సీతారామం సినిమాతో ఆమెకు ఎనలేని క్రేజ్‌ వచ్చింది. తెలుగులోనూ ఆఫర్లు క్యూ కడుతున్నాయని తెలుస్తోంది. వైజయంతి బ్యానర్లోనే మరో సినిమాకు పచ్చజెండా ఊపినట్లు సమాచారం. నందిని రెడ్డి ఈ సినిమాకు దర్శకత్వం వహిస్తున్నారట. ఇందులో హీరోయిన్‌గా మృణాల్‌ను ఖరారు చేశారని, ఆమె కూడా ఈ ప్రాజెక్ట్‌ గ్రీన్‌ సిగ్నల్‌ కూడా ఇచ్చిందట.

ఇదిలా ఉంటే తెలుగులో డిమాండ్‌ పెరగడంతో మృణాల్‌ భారీగా రెమ్యునరేషన్‌ పెంచిందనే టాక్‌ వినిపిస్తోంది. వైజయంతి బ్యానర్లోనే వరుసగా రెండు సినిమాలు చేస్తుండడంతో ఆమెను పలువురు దర్శక నిర్మాతలు సంప్రదిస్తున్నారట.ఇదే సమయంలో మృణాల్‌ కూడా కోటీ రూపాయల వరకు పారితోషకం డిమాండ్‌ చేస్తోందట. అందం, అభినయం ఉండడంతో వారు కూడా అడిగిన మొత్తం ఇచ్చేందుకు ఓకే అంటున్నారట. కాగా ప్రస్తుతం మృణాల్‌ చేతిలో నాలుగు హిందీ సినిమాలు ఉన్నాయి.