Chirutha Movie: చిరుత సినిమా చేయాల్సిన ఆ హీరో.. ఇప్పుడు వరుస ప్లాప్స్తో.. రామ్ చరణ్ కంటే ముందే..
సాధారణంగా సినీరంగంలో ఒక హీరోను ఊహించుకుని దర్శకులు కథలు రాసుకుంటారు. కానీ ఊహించని విధంగా ఆ స్టోరీని మరో హీరో దగ్గరకు వెళ్లి ఆగుతుంది. కొన్ని సందర్భంగా కొందరు స్టార్స్ ఖాతాలో పడాల్సిన హిట్స్ మరికొందరు ఖాతాలో పడుతుంది. అలాగే పలువురు హీరోలు కొద్ది భారీ డిజాస్టర్లను మిస్ అవుతుంటారు. రామ్ చరణ్ నటించిన చిరుత సినిమా విషయంలోనూ అదే జరిగింది.
Updated on: Apr 05, 2025 | 7:48 AM
మెగా పవర్ స్టార్ రామ్ చరణ్ ప్రస్తుతం పెద్ది చిత్రీకరణలో బిజీగా ఉన్న సంగతి తెలిసిందే. డైరెక్టర్ బుచ్చిబాబు సన దర్శకత్వం వహిస్తున్న ఈ ప్రాజెక్ట్ పై ఇప్పటికే భారీ అంచనాలు నెలకొన్నాయి. ఇందులో బాలీవుడ బ్యూటీ జాన్వీ కపూర్ కథానాయికగా నటిస్తుంది. ఇటీవల విడుదలైన ఈమూవీ ఫస్ట్ లుక్ పోస్టర్ ఆకట్టుకుంది. ఇదిలా ఉంటే.. డేరింగ్ అండ్ డాషింగ్ డైరెక్టర్ పూరి జగన్నాథ్ దర్శకత్వంలో రామ్ చరణ్ హీరోగా వెండితెరకు పరిచయమైన మొదటి సినిమా చిరుత. ఈ చిత్రానికి పాజిటివ్ రివ్యూస్ వచ్చాయి. ఇక ఇందులోని సాంగ్స్ గురించి చెప్పక్కర్లేదు. నేహా శర్మ కథానాయికగా నటించిన ఈ చిత్రానికి అడియన్స్ నుంచి మంచి రెస్పాన్స్ వచ్చింది. అయితే ఈ సినిమాకు ముందుగా రామ్ చరణ్ ఛాయిస్ కాదని.. అంతకంటే ముందే టాలీవుడ్ యంగ్ హీరో కోసం ఈ స్టోరీని రెడీ చేసుకున్నారని ప్రముఖ సీనియర్ రచయిత తోట ప్రసాద్ ఓ ఇంటర్వ్యూలో తెలిపారు.
ఇటీవల ఓ ఇంటర్వ్యూలో పాల్గొన్న తోట ప్రసాద్ మాట్లాడుతూ.. చిరుత కథ మొదట పూరి జగన్నాథ్ తమ్ముడు సాయి రామ్ శంకర్ హీరోగా అనుకున్నారని.. ఆ కథను ముందుగా మెహర్ రమేష్ రాసుకున్నాడని… బ్యాంకాక్ వెళ్లి అక్కడ ఒక షెడ్యూల్ షూటింగ్ కూడా చేశారని.. కానీ పలు కారణాలతో ఆ సినిమా ఆగిపోయిందని చెప్పుకొచ్చాడు. ఇక ఆ తర్వాత అదే కథ చిరంజీవి దగ్గరికి వెళ్లిందని.. నిర్మాత అశ్వినీదత్ కు మెహర్ రమేష్ దగ్గర ఆ కథ ఉందని తెలిసి.. దాని గురించి పూరి జగన్నాథ్ కు కూడా ఐడియా ఉండడంతో రామ్ చరణ్ కు కరెక్ట్ గా సరిపోతుందని భావించి చిరు వద్దకు తీసుకెళ్లారట. చిరంజీవి తన తనయుడిని దృష్టిలో పెట్టుకుని కథలో కొన్ని మార్పులు చేసి.. హీరోను మరింత మాస్ గా చూపించడంతో చిరు ఒకే చేశారని.. పూరి జగన్నాథ్ ఈ చిత్రాన్ని డైరెక్ట్ చేయాలని కోరడంతో పూరి జగన్నాథ్ ఈ చిత్రానికి దర్శకత్వం వహించారట.
Sai Ram Shankar
సాయి రామ్ శంకర్ తో ఈ సినిమాను తీసేటప్పుడు ఈ మూవీ స్టోరీ టైటిల్ చిరుత కాదని.. సినిమా ఆగిపోయాకే ఆ కథ మార్చి చిరుత టైటిల్ పెట్టారని అన్నారు. ఆ సినిమా సాయి రామ్ శంకర్ కు పడి ఉంటే కచ్చితంగా ఆయన కెరీర్ టర్న్ అయ్యి ఉండేదని అంటున్నారు ఫ్యాన్స్. ఈ సినిమాతో చరణ్ నటుడిగా మంచి మార్కులు కొట్టేశాడు. రంగస్థలం సినిమాతో అద్భుతమైన నటనతో విమర్శకుల ప్రశంసలు అందుకున్న చరణ్… ఇటీవలే ఆర్ఆర్ఆర్ సినిమాతో గ్లోబల్ స్టా్ర్ గా మారారు.
ఇవి కూడా చదవండి :
Tollywood: మరీ ఇంత క్యూట్గా ఉందేంటీ భయ్యా.. గిబ్లి ఆర్ట్కే మతిపోగొట్టేస్తోన్న టాలీవుడ్ హీరోయిన్..
