Tollywood: అప్పుడు రజినీకాంత్ సినిమాలో చైల్డ్ ఆర్టిస్ట్.. ఇప్పుడు బుల్లితెరపై క్రేజీ హీరోయిన్.. ఫోటోస్ చూస్తే..

ఒకప్పుడు తెలుగు సినిమాల్లో చైల్డ్ ఆర్టిస్టులుగా కనిపించిన చిన్నారులు ఇప్పుడు హీరోహీరోయిన్లుగా రాణిస్తున్న సంగతి తెలిసిందే. తెలుగుతోపాటు ఇతర భాషలలోనూ ఆఫర్స్ అందుకుంటూ బిజీగా ఉంటున్నారు. అందులో ప్రహర్షిత శ్రీనివాసన్ ఒకరు. సూపర్ స్టార్ రజినీకాంత్ నటించిన ఆల్ టై్ సూపర్ హిట్ మూవీ చంద్రముఖి చిత్రంలో బాలనటిగా కనిపించింది.

Chandramukhi

Rajitha Chanti |

Updated on: Apr 01, 2025 | 11:05 AM

కోలీవుడ్ ఇండస్ట్రీలో చైల్డ్ ఆర్టిస్టుగా అడియన్స్ హృదయాల్లో తనకంటూ ప్రత్యేక స్థానం సంపాదించుకుంది బాలనటి ప్రహర్షిత శ్రీనివాసన్. అప్పట్లో దక్షిణాది ప్రేక్షకులకు ఇష్టమైన చైల్డ్ ఆర్టిస్ట్. సూపర్ స్టార్ రజినీకాంత్ నటించిన చంద్రముఖి సినిమాలో బాలనటిగా కనిపించింది ప్రహర్షిత. 2005లో విడుదలైన ఈ మూవీ భారీ విజయాన్ని అందుకున్న సంగతి తెలిసిందే. తమిళంతోపాటు తెలుగులోనూ ఒకేసారి విడుదలైన ఈ మూవీ భారీ వసూళ్లు రాబట్టింది. హారర్ కామెడీ డ్రామాకా వచ్చిన ఈ సినిమాకు అడియన్స్ నుంచి మంచి రెస్పాన్స్ వచ్చింది. డైరెక్టర్ పి. వాసు దర్శకత్వం వహించిన ఈ చిత్రంలో నయనతార, జ్యోతిక కీలకపాత్రలు పోషించిన సంగతి తెలిసిందే. ఇక ఈ సినిమాతోనే ప్రహర్షితకు తెలుగులోనూ గుర్తింపు వచ్చింది.

చంద్రముఖి సినిమాతో దక్షిణాదిలో ఫేమస్ అయ్యింది ప్రహర్షిత. ఆ తర్వాత తమిళంలో పలు చిత్రాల్లో నటించింది. బుల్లితెరపై ఎన్నో సీరియల్స్ చేసింది. కానీ ఇప్పటివరకు తెలుగులో ఒక్క సినిమా కూడా చేయలేదు. ఇప్పటికీ సినీరంగంలో చాలా యాక్టివ్ గా ఉంటుంది ప్రహర్షిత. ఇన్నాళ్లు సినిమాల్లో నటిస్తూ బిజీగా ఉన్న ఈ అమ్మడు.. ఇప్పుడు బుల్లితెరపై వరుసగా సీరియల్స్ చేస్తుంది. 2021లో ఈ బ్యూటీకి మ్యారేజ్ కాగా.. 2022లో పాప జన్మించింది. దాదాపు 18 ఏళ్లపాటు సినిమాలకు దూరంగా ఉండిపోయింది ప్రహర్షిత.

ప్రస్తుతం సీరియల్స్ చేస్తూనే ఇటు సోషల్ మీడియాలో చాలా యాక్టివ్ గా ఉంటుంది ప్రహర్షిత. నిత్యం క్రేజీ ఫోటోషూట్స్ షేర్ చేస్తూ నెటిజన్లకు అందుబాటులో ఉంటుంది. చిన్నప్పుడు బొద్దుగా ముద్దుగా కనిపించిన ప్రహర్షిత.. ఇప్పటికీ చాలా మారిపోయింది. ఒకప్పటి చైల్డ్ ఆర్టిస్ట్ ఇప్పుడు ఇంతగా మారిపోయిందేంటీ అంటూ కామెంట్స్ చేస్తున్నారు.