ఎల్‌నినో కోరల్లో తెలుగు రాష్ట్రాలు ఇక.. దేవుడే దిక్కంటూ పూజలు

ఎల్‌నినో ప్రభావంతో తెలుగు రాష్ట్రాలు తీవ్ర వర్షాభావ పరిస్థితులను ఎదుర్కొంటున్నాయి. రుతుపవనాలు ప్రవేశించి నెల రోజులు దాటినా, ఆశించిన స్థాయిలో వర్షాలు కురవకపోవడంతో రాష్ట్రాలు కరువు కోరల్లో చిక్కుకుంటున్నాయన్న ఆందోళన వ్యక్తమవుతోంది. పగటి ఉష్ణోగ్రతలు సాధారణం కంటే అధికంగా నమోదవుతూ, వేసవిని తలపిస్తున్నాయి. చెరువులు, కుంటలు ఎండిపోవడమే కాకుండా, భూగర్భ జలాలు కూడా అడుగంటిపోతున్నాయి. ఈ పరిస్థితి అన్నదాతలకు, సాధారణ ప్రజలకు తీవ్ర ఇబ్బందులను కలిగిస్తోంది.  ఖరీఫ్ సీజన్ ప్రారంభమై నెల రోజులు కావస్తున్నా వర్షాల జాడ లేకపోవడంతో రైతన్నలు తీవ్ర ఆందోళన చెందుతున్నారు. ఇప్పటికే విత్తిన పంటలు ఎండిపోవడంతో కన్నీరు పెట్టుకుంటున్నారు. గత సంవత్సరం ఇదే సమయానికి వర్షాలతో డ్యామ్‌లు నిండి, పంటలు బాగా పండగా, ఈసారి పరిస్థితి అందుకు భిన్నంగా ఉంది. చాలామంది రైతులు పంటలు వేయడానికే సాహసించడం లేదు. ముఖ్యంగా డెల్టా ప్రాంతాల్లో వరి సాగు చేసే రైతులు తీవ్ర ఇబ్బందులు పడుతున్నారు. సమయం మించిపోతున్నా, వర్షాలు రాకపోవడంతో ఇప్పటికే కొన్ని చోట్ల వరి సాగును మొదలుపెట్టిన రైతులు, పంటను కాపాడుకునేందుకు భగీరథ ప్రయత్నం చేస్తున్నారు. కాలువలు వస్తాయని, వర్షాలు పడతాయని ఆశించి నాట్లు వేసినప్పటికీ, వర్షాలు లేకపోవడంతో ఇంజన్లు, మోటార్ల ద్వారా నీటిని పెడుతున్నారు. ఒక తడికి ₹1,500 నుండి ₹6,000 వరకు ఖర్చవుతోందని, సకాలంలో కాలువలు రాకపోయినా, వర్షాలు కురవకపోయినా పంట చేతికి రావడం కష్టమని రైతులు వాపోతున్నారు. పైపులు అద్దెకు తీసుకొని, డీజిల్ ఇంజన్ల ద్వారా సాగునీరు అందిస్తున్న రైతులు, ఒక్కో ఎకరానికి అదనంగా ₹15,000 నుండి ₹20,000 వరకు ఖర్చు అవుతోందని ఆవేదన వ్యక్తం చేస్తున్నారు. ఇది కౌలు రైతులపై మరింత భారం మోపుతోంది.

మరిన్ని వీడియోల కోసం :

ఇండస్ట్రీలో అక్కినేని హీరోల టైం మొదలైందా..?

విజయ్ ‘జన నాయగన్’ ఓపెనింగ్స్ పై ఆసక్తి

టాలీవుడ్‌లో యాక్షన్ లవ్ స్టోరీల ట్రెండ్

తెలంగాణ పల్లె కథల వైపు టాలీవుడ్ చూపు