Samantha: ఇంటర్ విద్యార్థిని పై ప్రశంసలు కురిపించిన సామ్.. ఆమె అందరికి ఆదర్శం అంటూ..

కొటేషన్స్, మోటివేషన్స్ అంటూ రకరకాల పోస్ట్ లు షేర్ చేస్తోంది.మధ్య మధ్యలో అభిమానులకు కిర్రెక్కించేలా అందాలతో అదరగొడుతోంది. క్రేజీ ఫోటో షూట్స్ తో సోషల్ మీడియాలో సెగలు రేపుతోంది. ఈ క్రమంలోనే తాజాగా ఓ పోస్ట్ షేర్ చేసింది. ఇంటర్ విద్యార్థిని గురించి సామ్ ఓ పోస్ట్ షేర్ చేసింది. ఆమె ఎంతో మందికి ఆదర్శం అని తెలిపింది సమంత ఇంతకు ఆ విద్యార్థిని ఏం సాధించింది.?

Samantha

Rajeev Rayala |
Updated on: Apr 15, 2024 | 10:58 AM

టాలీవుడ్ స్టార్ హీరోయిన్ సమంత ఈ మధ్య సోషల్ మీడియాలో ఎక్కువగా యాక్టివ్ గా ఉంటుంది. మాయోసైటిస్ కారణంగా ఏడాది పాటు సినిమాలకు బ్రేక్ తీసుకుంది సామ్. ఇక ఈ ఇప్పుడు సోషల్ మీడియాలో రకరకాల పోస్ట్ లతో అభిమానులను ఆకట్టుకుంటుంది. కొటేషన్స్, మోటివేషన్స్ అంటూ రకరకాల పోస్ట్ లు షేర్ చేస్తోంది.మధ్య మధ్యలో అభిమానులకు కిర్రెక్కించేలా అందాలతో అదరగొడుతోంది. క్రేజీ ఫోటో షూట్స్ తో సోషల్ మీడియాలో సెగలు రేపుతోంది. ఈ క్రమంలోనే తాజాగా ఓ పోస్ట్ షేర్ చేసింది. ఇంటర్ విద్యార్థిని గురించి సామ్ ఓ పోస్ట్ షేర్ చేసింది. ఆమె ఎంతో మందికి ఆదర్శం అని తెలిపింది సమంత ఇంతకు ఆ విద్యార్థిని ఏం సాధించింది.? సామ్ ఎందుకు ఆమెను పొగిడింది.?

ఇటీవలే ఆంధ్రప్రదేశ్ ఇంటర్ బోర్డు ఫలితాలు విడుదలయ్యాయి. ఇంటర్ బోర్డు ఫలితాల్లో కర్నూలు జిల్లాకు చెందిన నిర్మల అనే విద్యార్థిని టాపర్ గా నిలిచింది. ఆలూరు కేజీబీవీలో చదివిన ఎస్ నిర్మల ఇంటర్ లో టాపర్ గా నిలిచింది. ఆమె బైపీసీలో 440 కి 421 మార్కులు సాధించి టాపర్‌గా నిలిచింది. దాంతో ఆమె పై సమంత ప్రశంసలు కురిపించింది.

నిర్మల బాల్యవివాహాన్ని అడ్డుకొని మరి చదువు పై దృష్టిపెట్టింది. నిరుపేద కుటుంబంలో పుట్టిన నిర్మల తల్లిదండ్రులకు నలుగురు ఆడపిల్లలు.. వీరిలో ముగ్గురిని ఇప్పటికే వివాహం చేశారు. అలాగే నిర్మలకు కూడా చిన్న వయసులోనే పెళ్లి చేయాలని చూశారు. అయితే నిర్మల ఆ బాల్య వివాహం నుంచి తప్పించుకుంది. ఇక ఇప్పుడు ఇంటర్ లో తన ప్రతిభ చాటి టాపర్ గా నిలిచింది. అంతే కాదు టెన్త్ లోనూ నిర్మల 537 మార్కులు సాధించింది. ఇప్పుడు ఇలా ఇంటర్ లో టాపర్ గా నిలిచింది. దాంతో చాలా మంది నిర్మల పై ప్రశంసలు కురిపిస్తున్నారు. అలాగే సమంత కూడా నిర్మలను కొనియాడుతూ సోషల్ మీడియాలో పోస్ట్ చేసింది.

Samantha