Saranga Dariya Song: యూట్యూబ్‏ను షేక్ చేస్తున్న ‘సారంగదరియా’.. 100 మిలియన్స్ వైపు హైబ్రిడ్ పిల్ల సాంగ్…

Love Story Movie Song Saranga dariya:  అక్కినేని నాగచైతన్య ప్రధాన పాత్రలో దర్శకుడు శేఖర్ కమ్ముల రూపొందిస్తున్న అందమైన ప్రేమ కావ్యం ‘లవ్ స్టోరీ’. ఇందులో చైతన్యకు జోడీగా ఫిదా బ్యూటీ సాయిపల్లవి నటిస్తుంది. ఇదిలా ఉండగా.. ఈమూవీ విడుదలకు ముందే సెన్సెషన్ క్రియేట్ చేస్తోంది. ఇప్పటి వరకు ఈ సినిమా నుంచి విడుదలైన ఒక్కో పాట ప్రేక్షకులను ఆకట్టుకుంటున్నాయి. తక్కువ టైంలోనే ‘సారంగదరియా’ సాంగ్ ఎంత పాపులర్ అయ్యిందో తెలిసిన విషయమే.  తాజాగా ఈ సాంగ్ మరో రికార్డు సృష్టించింది. విడుదలైన తక్కువ కాలంలోనే యూట్యూబ్‏లో 75 మిలియన్ వ్యూస్ క్రాస్ చేసి కొత్త రికార్డును క్రియేట్ చేసింది.

అక్కినేని సమంత చేతుల మీదుగా ఫిబ్రవరి 28న విడుదలైన ఈ సారంగదరియా సాంగ్ ఇప్పటి వరకు 75 మిలియన్ వ్యూస్ క్రాస్ చేసింది. ఈ పాటను సుద్దాల అశోక్ తేజ రచించగా.. మంగ్లీ ఆలపించగా.. శేఖర్ మాస్టర్ కొరియోగ్రఫీ అందించారు. ఇక ఈ అందమైన ప్రేమ కథ చిత్రం ఏప్రిల్ 16న ప్రేక్షకుల ముందుకు రానుంది. ఇందులో రాజీవ్ కనకాల, ఈశ్వరీ రావు, దేవయాని కీలక పాత్రల్లో నటించారు. ఈ సినిమాను శ్రీవెంకటేశ్వర సినిమాస్ ఎల్ఎల్పీ, అమిగోస్ క్రియేషన్స్ సంస్థలు సంయుక్తంగా నిర్మిస్తున్నాయి. ఇదిలా ఉంటే.. రిలీజ్ అయిన 14 రోజుల్లోనే యూట్యూబ్‏లో 50 మిలియన్ వ్యూస్ క్రాస్ చేసి కొత్త రికార్డును క్రియేట్ చేసింది. ఇప్పటివరకు ఇంత తక్కువ కాలంలో 50 మిలియన్ వ్యూస్ క్రాస్ చేసిన మొదటి తెలుగు పాటగా సారంగదరియా నిలిచింది. ఈ సాంగ్ కంటే ముందు తమిళ స్టార్ హీరో ధనుష్, సాయిపల్లవి హీరోహీరోయిన్లుగా నటించిన ‘రౌడీ బేబి’ సాంగ్ కేవలం 8 రోజుల్లో 50 మిలియన్ వ్యూస్ సాధించింది.

Also Read:

Nagababu: ‘సముద్రం’ సినిమాలో అందుకే నటించలేదు.. కానీ.. మెగా బ్రదర్ ఓపెన్ కామెంట్స్..

సినీ ఇండస్ట్రీలో మరో విషాదం.. ప్రముఖ కమెడియన్ కన్నుమూత.. సంతాపం తెలిపిన సినీ ప్రముఖులు..