Viral Photo: ఈ ఫోటోలోని చిన్నారి ఇప్పుడు మెగాస్టార్ సినిమాలో ఛాన్స్ కొట్టేసింది.. ఎవరో గుర్తుపట్టారా.!

తమ అభిమాన హీరోయిన్ల ఫోటోలను ఫ్యాన్స్ ఎప్పటికప్పుడు సోషల్ మీడియాలో వైరల్ చేస్తుంటారు. ఇదిలా ఉంటే హీరోయిన్స్ తమ ఫోటోలను తరచూ సోషల్ మీడియాలో అకౌంట్స్ ద్వారా ఫ్యాన్స్‌తో పంచుకుంటూ ఉంటారు. ఇక ‘త్రోబ్యాక్’ పిక్స్ అయితే.. ఇప్పుడు నెట్టింట ఇదొక ట్రెండ్‌గా మారిపోయింది. ఈ కోవలోనే తాజాగా ఓ టాలీవుడ్ హీరోయిన్ చిన్ననాటి ఫోటో సామాజిక మాధ్యమాల్లో ప్రస్తుతం తెగ చక్కర్లు కొడుతోంది. పైన పేర్కొన్న ఫోటోలోని చిన్నారి ఎవరో గుర్తుపట్టండి చూద్దాం.. ఇప్పుడు ఈ చిన్నారి టాలీవుడ్ హీరోయిన్. ప్రస్తుతం తమిళ, తెలుగు సినిమాలతో బిజీగా ఉంది.

రెండు జడలు వేసుకుని.. అమాయకపు నవ్వుతో.. స్కూల్ డ్రెస్‌లో బుద్దిగా ఫోటోకు పోజిస్తున్న ఈ చిన్నారి తెలుగులో డెబ్యూ సినిమాతో సైమా అవార్డును దక్కించుకుంది. అందం, అభినయంతో ఎంతోమంది అభిమానులను సంపాదించింది. మెగా హీరో సరసన నటించి వరుస హిట్స్ అందుకుంది. ఎవరో గుర్తుపట్టారా.? ఆమెవరో కాదండీ.. రెజినా కసండ్రా.

Classy with a touch of Bossy! ?@ReginaCassandra #ReginaCassandra #TeluguFilmNagar pic.twitter.com/cYLI8Z1pn7

— Telugu FilmNagar (@telugufilmnagar) November 11, 2021

‘శివ మనసులో శృతి’ సినిమాతో తెలుగులో అరంగేట్రం చేసిన రెజినా.. మొదటి సినిమాతోనే నటనగానూ మంచి మార్కులు దక్కించుకుంది. ఆ తర్వాత ‘కొత్త జంట’, ‘పిల్లా నువ్వు లేని జీవితం’, ‘సుబ్రమణ్యం ఫర్ సేల్’, ‘జో అచ్యుతానంద’, ‘మానగరం’ వంటి చిత్రాలతో బాక్సాఫీస్ వద్ద సూపర్ హిట్స్ అందుకుంది. ప్రస్తుతం తెలుగు, తమిళ భాషల్లో 6 సినిమాల్లో నటిస్తున్న ఈ భామ… మెగాస్టార్ చిరంజీవి నటిస్తోన్న ‘ఆచార్య’ సినిమాలో ఓ ఐటెం సాంగ్‌ చేస్తోంది.