Raviteja: ఆ సినిమా సీక్వెల్ చేయడానికి రవితేజ అందుకే దూరంగా ఉంటున్నాడా ? నెట్టింట్లో సరికొత్త గాసిప్స్..

మాస్ మహారాజా రవితేజ… ప్రస్తుతం చేతినిండా సినిమాలతో బిజీగా ఉన్నాడు. చాలా కాలం తర్వాత రవితేజ ఇటీవల క్రాక్ సినిమాతో సూపర్ హిట్ అందుకున్నాడు. ఈ మూవీ తర్వాత మరోసారి రవితేజ మళ్లీ ఫాంలోకి వచ్చాడు. ప్రస్తుతం ఖిలాడి, రామారావు ఆన్ డ్యూటీ సినిమాలు చేస్తున్నాడు. అలాగే.. నక్కిన త్రినాథరావు దర్శకత్వంలోనూ ఓ సినిమా చేయనున్నాడు. ఇదిలా ఉంటే.. దాదాపు 15 సంవత్సరాల క్రితం సక్సెస్ ఫుల్ డైరెక్టర్ రాజమౌళి దర్శకత్వంలో రవితేజ నటించిన విక్రమార్కుడు సినిమా బ్లాక్ బస్టర్ హిట్ అందుకున్న సంగతి తెలిసిందే. థియేటర్లలో ఈ మూవీ కాసుల వర్షం కురిపించింది. ఇందులో రవితేజ ద్విపాత్రాభినయం నటనకు ప్రేక్షకులను ఆకట్టుకున్నాడు. ఈ మూవీ స్టోరీని రచయిత విజయేంద్రప్రసాద్ అందించారు.

ఇక డైరక్టర్ యాక్షన్..ఎమోషనల్ సీన్స్ చూపించిన తీరుకు ప్రేక్షకులు ఫిదా అయ్యారు. అలాగే ఈ సినిమాతో అనుష్క శెట్టి సూపర్ హిట్ అందుకుని.. తెలుగులో ప్రత్యేక ఇమేజ్ క్రియేట్ చేసుకుంది. ఇదిలా ఉంటే.. ఇటీవల ఈ సినిమా సీక్వె్ల్‏కు సంబంధించిన వార్తలు సోషల్ మీడియాలో చక్కర్లు కొడుతున్నాయి.. రచయిత విజయేంద్ర ప్రసాద్ ఈ సినిమా సీక్వెల్ కోసం కథను సిద్ధం చేశాడని.. కానీ ఈ మూవీకి రాజమౌళి దర్శకత్వం వహించనున్నారని టాక్ నడుస్తోంది. అయితే తాజా సమాచారం ప్రకారం. ఈ మూవీ సీక్వెల్ పై వస్తున్న వార్తలన్ని అవాస్తవమని.. గతంలో రవితేజ.. కిక్ .. కిక్ 2 సినిమాలు చేశాడు.. కానీ కిక్ 2 డిజాస్టర్‏గా నిలిచింది. దీంతో రవితేజ.. తన కెరీర్‏లో మరోసారి సీక్వెల్ సినిమాలు చేయకూడదని నిర్ణయించుకున్నాడట. అందుకే విక్రమార్కుడు సీక్వెల్ చేయడానికి అంతగా ఆసక్తి చూపించలేదని ఫిల్మ్ వర్గాల్లో టాక్ వినిపిస్తోంది.

Also Read: Pelli SandaD: సూపర్ స్టార్ చేతుల మీదగా దర్శకేంద్రుడి ‘పెళ్లి సందD’ ట్రైలర్.. రిలీజ్ ఎప్పుడంటే..

Krithi Shetty Birthday : ఆకట్టుకుంటున్న అందాల ముద్దుగుమ్మ కృతిశెట్టి బర్త్ డే స్పెషల్ పోస్టర్స్…

Krithi Shetty Birthday : పండువెన్నెల పరువాలతో.. ఓరకంటి చూపులతో కవ్విస్తున్న కృతి