The Warrior: యూట్యూబ్‌ను షేక్ చేస్తున్న రామ్ నయా మూవీ.. భారీ వ్యూస్‌తో దూసుకుపోతోన్న ది వారియర్ టీజర్
యంగ్ హీరో రామ్ నటిస్తున్న లేటెస్ట్ యాక్షన్ ఎంటర్ టైనర్ ది వారియర్. తమిళ్ డైరెక్టర్ లింగు స్వామి దర్శకత్వంలో తెరకెక్కుతోన్న ఈ సినిమాలో లేటెస్ట్ సెన్సేషన్ కృతిశెట్టి హీరోయిన్ గా నటిస్తోంది
Updated on: Jun 12, 2022 | 7:46 PM
యంగ్ హీరో రామ్ పోతినేని(Ram Pothineni )నటిస్తున్న లేటెస్ట్ యాక్షన్ ఎంటర్ టైనర్ ది వారియర్(The Warrior). తమిళ్ డైరెక్టర్ లింగు స్వామి దర్శకత్వంలో తెరకెక్కుతోన్న ఈ సినిమాలో లేటెస్ట్ సెన్సేషన్ కృతిశెట్టి హీరోయిన్ గా నటిస్తోంది. ఇస్మార్ట్ శంకర్ సినిమా తర్వాత సినిమాల విషయంలో ఆచితూచి అడుగులేస్తున్నాడు రామ్. ఈ నేపథ్యంలో యాక్షన్ డైరెక్టర్ గా పేరుతెచ్చుకున్న లింగు స్వామి తో ఇప్పుడు సినిమా చేస్తున్నాడు.ఈ సినిమాలో రామ్ పవర్ ఫుల్ పోలీస్ ఆఫీసర్ గా కనించనున్నాడు. ఇప్పటికే విడుదలైన ఈ సినిమా పోస్టర్లు, టీజర్ సినిమా పై ఆసక్తిని పెంచేశాయి. ఇక ఈ మూవీనుంచి వచ్చిన బుల్లెట్ సాంగ్ ఏ రేంజ్ లో ఆకట్టుకుందో ప్రత్యేకించి చెప్పాల్సిన అవసరం లేదు. సత్య ఐపీఎస్ పాత్రలో రామ్ పోతినేని, విజిల్ మహాలక్ష్మిగా కృతి శెట్టి.. ఇద్దరూ ఆకట్టుకోనున్నారు.
తెలుగు, తమిళ భాషల్లో తెరకెక్కుతోంది ఈ మూవీ. పవన్ కుమార్ సమర్పణలో శ్రీనివాసా సిల్వ‌ర్ స్క్రీన్ పతాకంపై ప్రొడ‌క్ష‌న్ నెం. 6గా శ్రీనివాసా చిట్టూరి నిర్మిస్తున్న ఈ మూవీ చిత్రీకరణ పూర్తయింది. ఇక ఈ సినిమా టీజర్ కు రికార్డు స్థాయిలో వ్యూస్ వస్తున్నాయి. యూట్యూబ్ లో ఈ టీజర్ రికార్డ్స్ క్రియేట్ చేస్తుంది. తెలుగు .. తమిళ భాషల్లో కలుపుకుని 20 మిలియన్ కు పైగా వ్యూస్ రావడం విశేషం. ఈ సినిమాలో విలన్ గా ఆది పినిశెట్టి విలన్ గా నటిస్తున్నాడు. దేవిశ్రీ ప్రసాద్ సంగీతాన్ని సమకూర్చిన ఈ సినిమాలో నదియా .. అక్షరగౌడ .. భారతీరాజా ముఖ్యమైన పాత్రల్లో కనిపించనున్నారు. జులై 14న ఈ సినిమా ప్రపంచవ్యాప్తంగా విడుదల కానుంది. మరి ఈ సినిమా ఏ స్థాయిలో ప్రేక్షకులను ఆకట్టుకుంటుందో చూడాలి.
మరిన్ని సినిమా వార్తల కోసం ఇక్కడ క్లిక్ చేయండి
