Upasana Konidela: గోల్డెన్ టెంపుల్‏లో ఉపాసన సందడి.. చరణ్‏కు బదులుగా నేనొచ్చానంటూ పోస్ట్..

మెగా పవర్ స్టార్ రామ్ చరణ్ (Ram Charan) సతీమణి ఉపాసన కొణిదెల (Upasana Konidela) గోల్డెన్ టెంపుల్‏లో సందడి చేశారు.

Upasana

Rajitha Chanti |
Updated on: Apr 19, 2022 | 4:01 PM

మెగా పవర్ స్టార్ రామ్ చరణ్ (Ram Charan) సతీమణి ఉపాసన కొణిదెల (Upasana Konidela) గోల్డెన్ టెంపుల్‏లో సందడి చేశారు. ఇటీవల చరణ్ గోల్డెన్ టెంపుల్‏లో లాంగర్ సేవ ప్రారంభించాడని.. కానీ ప్రస్తుతం చరణ్.. డైరెక్టర్ శంకర్ మూవీ షూటింగ్‏లో బిజీగా ఉండడం వలన తాను ఆ సేవ కార్యక్రమంలో పాల్గోన్నట్లు చెప్పారు ఉపాసన. ఈ విషయాన్ని మెగా కోడలు ఉపాసన తన ఇన్ స్టా ఖాతా ద్వారా తెలియజేసింది. ప్రస్తుతం ఉపాసన షేర్ చేసిన ఫోటోస్, వీడియోస్ సోషల్ మీడియాలో తెగ వైరల్ అవుతున్నాయి. ” కృతజ్ఞతభావంతో అమృత్ సర్‏లోని గోల్డెన్ టెంపుల్‏లో చరణ్ లాంగర్ సేవను నిర్వహించాడు. ప్రస్తుతం చరణ్ షూటింగ్‏లో బిజీగా ఉండడం వలన ఆయన తరపున నేను వెళ్లాను. నాకు ఈ అదృష్టం, గౌరవం లభించినందుకు సంతోషిస్తున్నాను. మీ అందరి ప్రేమాభిమానులతో మాకు ఆనందం వేసింది” అంటూ చెప్పుకొచ్చింది ఉపాసన.

ప్రస్తుతం మెగా కోడలు ఉపాసన.. అపోలో లైఫ్‌కి వైస్ చైర్‌ పర్సన్‌గా, బీ పాజిటివ్‌ మ్యాగజైన్‌కు ఎడిటర్‌గా విధులు నిర్వరిస్తున్నారు . అంతేకాకుండా..ఫిట్ నెస్‏కు.. ఆరోగ్యానికి సంబంధించిన విషయాలను సోషల్ మీడియాలో షేర్ చేస్తుంటుంది. ఈ క్రమంలో అపోలో ఫౌండేషన్ ఆధ్వర్యంలో పలు కార్యక్రమాలు నిర్వహిస్తుంది. మరోవైపు రామ్ చరణ్.. డైరెక్టర్ శంకర్ దర్శకత్వంలో ఓ సినిమా చేస్తున్న సంగతి తెలిసిందే. ఇందులో చరణ్ సరసన బాలీవుడ్ బ్యూటీ కియారా అద్వానీ హీరోయిన్ గా నటిస్తోంది. వినయ విధేయ రామ తర్వాత రామ్ చరణ్‌తో కియారా నటిస్తున్న రెండవ తెలుగు చిత్రం ఇది. ప్రస్తుతం ఈ మూవీ షూటింగ్ అమృత్ సర్‏లో శరవేగంగా జరుగుతోంది. ఈ సినిమా తర్వాత చరణ్ ప్రశాంత్ నీల్ దర్శకత్వంలో ఓ మూవీ చేయనున్నాడు.

As a mark of gratitude Mr.C hosted a langar seva at the golden temple in Amritsar. I had the privilege & opportunity to represent him by participating in the seva as he was shooting for #RC15

Rc & I feel blessed with with your love & accept it with humility @AlwaysRamCharan pic.twitter.com/Tz8GYDO4bx

— Upasana Konidela (@upasanakonidela) April 19, 2022