Flashback: చీరకట్టులో అనసూయ.. రొమాంటిక్‌గా రెజీనా, ప్రభుదేవా.. ఆకట్టుకుంటోన్న ఫ్లాష్‌బ్యాక్‌ కొత్త పోస్టర్లు..

డ్యాన్సింగ్‌ స్టార్‌ ప్రభుదేవా, రెజీనా కాసాండ్ర, అనసూయ ప్రధాన పాత్రల్లో నటిస్తోన్న చిత్రం 'ఫ్లాష్‌బ్యాక్'. గుర్తుకొస్తున్నాయి అనేది ఉప శీర్షిక. తెలుగు, తమిళ భాషల్లో డాన్‌ సాండీ ఈ చిత్రాన్ని తెరకెక్కి్స్తున్నారు

Basha Shek |
Updated on: Nov 25, 2021 | 9:57 PM

డ్యాన్సింగ్‌ స్టార్‌ ప్రభుదేవా, రెజీనా కాసాండ్ర, అనసూయ ప్రధాన పాత్రల్లో నటిస్తోన్న చిత్రం ‘ఫ్లాష్‌బ్యాక్’. గుర్తుకొస్తున్నాయి అనేది ఉప శీర్షిక. తెలుగు, తమిళ భాషల్లో డాన్‌ సాండీ ఈ చిత్రాన్ని తెరకెక్కి్స్తున్నారు. కాగా తాజాగా ఈ సినిమాకు సంబంధించి రెండు కొత్త పోస్టర్లను విడుదల చేశారు. ప్రభుదేవా, రెజీనా, అనసూయలను పాత్రలను పరిచయం చేస్తూ ‘బంగర్రాజు ‘ డైరెక్టర్‌ కళ్యాణ్ కృష్ణ కురసాల ఈ ఫస్ట్‌లుక్‌ల పోస్టర్లను రిలీజ్‌ చేశారు. రెజీనా ఈ సినిమాలో ఆంగ్లో ఇండియన్‌ టీచర్‌ పాత్రలో కనిపించనుంది. ప్రభుదేవా, అనసూయ పాత్రలు కూడా వైవిధ్యంగా ఉన్నాయని ఈ కొత్త పోస్టర్లను చూస్తే అర్థమవుతోంది.

మొదటి పోస్టర్‌లో ప్రభుదేవా, రెజీనాలు రొమాంటిక్‌ పోజులో కనిపించగా.. రెండో పోస్టర్‌లో వీరిద్దరితో పాటు చీరకట్టులో కనిపించి సినిమా ప్రియులను కట్టిపడేసింది అనసూయ . ఈ సినిమాకు శామ్ సీఎస్ సంగీతం వహిస్తున్నారు. చల్లా భాగ్యలక్ష్మీ, అనిరుధ్ శాండిల్య తెలుగులో పాటలు అందిస్తున్నారు. కాగా ఈ సినిమాలోని తన పాత్ర కోసం అనసూయనే సొంతంగా డబ్బింగ్‌ చెప్పుకుంటోంది. లవ్‌ అండ్‌ ఎమోష‌న‌ల్ డ్రామాగా వ‌స్తున్న ఈ చిత్రం అన్ని వ‌ర్గాల ప్రేక్షకులను ఆకట్టుకుంటుందని త్వరలోనే విడుదల తేదీని ప్రకటిస్తామని దర్శక నిర్మాతలు తెలిపారు.